近又吉列黑豚專賣店 (已結業)

本人都喜愛吉列,今日去到朗豪坊走去試下近又吉列黑豚專賣店.叫左:吉列廣島蠔定食,吉列松葉蟹二本爪吉列廣島蠔定食: 有麵豉湯,凍豆腐,4粒吉列蠔同白飯,麵豉湯好普通 ,凍豆腐似食百福豆腐完全唔得,吉列蠔細隻到似蠔孫,粉醬又硬又厚,吉列蠔炸到好濕完全失敗.白飯太淋.吉列松葉蟹二本爪:幾個字可以形容:乾硬冇味.整體:唔會再來囉.…查看更多

炸豬扒店香港有幾間, 近又是我比較愛去的一間。無他, 性價比+水準黎講, 近又係高分的。以食物來講,同價位的銀座梅林也不錯, 但水準太不穩定了。吃炸豬扒前的指定動作, 磨芝麻!!吉列黑豚定食 - 豬扒炸到卜卜脆熱辣辣, 豬扒肉質結實但絕不鞋, 咬落夠淋有肉汁, 沾不沾醬都同樣好味。但實在真係太實肉, 以我食量來講太多了 , 次次都食唔晒一塊 :(芝士吉列黑豚 - 熱辣辣炸豬扒+流心芝士, 真係好難唔好味。芝心豬扒的肉質會比吉列黑豚薄啲, 無咁實肉, 但呢個比起吉列黑豚更挑戰閣下食量! 啖啖肉再加上超多的芝士, 食量細的好快會被佢KO!吉列蠔 - 吉列蠔是我每次去必點的。炸蠔唔容易整得好味, 蠔的新鮮度/炸皮厚薄/炸嘅時間長短, 其中一樣做得唔好, 件炸蠔都唔好味。近又的炸蠔非常一流, 上桌時永遠熱辣辣但又不會overcook, 炸衣不會太厚但又有足夠口感,內層粒蠔飽滿多汁又新鮮。要比較的話, 水準同丼吉差不多(但價錢平一截喔)另外近又的菜絲同飯係任加的。飯的話是不錯吃的日本米, 不過日本米飽肚, 對我黎講一碗足夠了,反而我會喪加個菜絲。一來想減輕少少罪疚感(雖然其實無用lol), 二來近久的菜絲永遠都係好新鮮好甜, 加上沙津汁已經好味到可以用來餸飯 :) …查看更多

見團購平平地就黎試下，點知一試就出事...限時兩小時...我地坐左成45分鐘先有飲品上，隔離枱都已經食緊第二輪中途催過兩次都淨係叫我地等等...等等...ok...如果好食等下都ok...誰不知送黎既豬柳...講得難聽d...仲"鞋"過煲湯既湯渣...搞咩....唔知係咪團購所以就求求其其但一定唔會再幫襯...…查看更多

12：00落單，去12：45上菜。催過，但當你透明。作為一間炸豬排店，其他唔使講，你睇件豬扒就知，又乾，又鞋。我係食飯同菜食飽既。快餐廳$50既豬扒飯比佢好好多！…查看更多

放學之後同個friend去朗豪坊UA睇劇 買左9點個場 見有時間剩又有d餓 諗住去angelababy開間cafe度食 行行下見到近又 望到個menu好吸引 就同個friend盲中中入左去試下出主菜之前佢有個盅比你磨芝麻 用黎加落下黑豚醬度 終於出主菜吉列黑豚 賣相一流 不過食落去就一般 有d油 不過配白飯同醬汁都算可以入口 湯算唔錯近又唔算好爆 如果趕時間又想係經常餐廳爆滿嘅朗豪坊食飯 近又算係唔錯嘅選擇~…查看更多

一向有個朋友同其女朋友好中意去呢間餐廳, 已經係FB見到好多次佢地既check-in, 盛讚近又吉列豬好好食, 所以都想試好耐! 有日無意間見到有團購喎, $98吉列芝士黑豚漢堡配吉列海之幸盛合半任食午餐, 仲可以無限追加黑豚柳, 無理由唔買者 一個星期前就book定枱同媽媽試食喇!   可能見係團購, 所以留既位係一張大枱既其中2個並排位, 見同枱既人大部份都係食團購既xd 星期日既1點都好似係岩岩好坐滿, 照計都唔會好忙, 但我地等左好耐(都有15分鐘)先終於有人拎杯可樂黎, 至少我終於肯定佢地知道我係要食咩...等待既時候已經了解晒枱面有咩, 應該點食同用咩醬...   一坐低就有碗芝麻係前面, 可以開始中碎佢眼前仲有3種醬料, 黑豚醬就係食吉列豚肉架喇, 即係放落碗芝麻度; 青瓜沙律同蘋果沙律就明顯係食伴碟既椰菜絲啦! 我就覺得蘋果好食D既, 香D同清D, 無咁酸易入口, 配椰菜比較夾 等左差唔多半個鐘主角終於到喇!!! 吉列芝士黑豚漢堡配吉列海之幸盛合!!! 海鮮有廣島蠔, 大虎蝦, 二本蟹鉗... 媽媽既意見覺得海鮮都係一般, 炸左就失去新鮮既味道, 所以都唔係太喜歡...不過芝士黑豚漢堡就唔錯喎, 好鬆化啦! 一咬就差不多碎, 加上芝士會有種煙韌既口感, 而且不太漏所以都幾好食!唔知點解, 我咩都無落就已經上埋追加既黑豚柳! 仲要有3大舊! 所以張枱擺滿晒野食呀! 之後我發現其他枱係無架喎, 要叫先黎仲有一份只有一舊啦, 但我無叫就有3舊, 我懷疑係對面枱既...  anyway, 黎到我就食, 不過3舊真係食唔晒...因為呢個黑豚柳既肉好實, 好濟又好飽...  諗佳柳應該係林D好易咬, 點知完全相反, 食得有D吃力 :( so far食左成個餐又無覺得特別好好食... 間中食下都可以既~…查看更多

下午3點左右到餐廳用餐，客人不多，不用等位。二人點一份定食，兩份小食，食飯味道不錯，但結帳差不多280, 較貴，不值！推介一口芝士，小小的，不油膩。食品大部分是炸物，雖然點不同種類食品，但感覺在吃一樣的東西。:(整體來說，一般。個人認為，試一次就夠了。…查看更多

今日突然間好想去食下吉列豬排。咁搵下搵下就黎左依到,今次係第一次黎。唔想眼闊肚窄浪費食物,所以同朋友一人叫一個set,另外仲有依個吉列野菜。我就叫左依個吉列豚，個吉列豬排都炸得好脆又夠哂鬆化，最緊要係個豬排仲保留到幾多肉汁,食落幾好味,而且份量都算比較大份，食落肯定夠僥,朋友就要依個吉列豚肉蘆荀卷，豚肉質感食落唔夠吉列豬排咁正，但因為有蘆荀，食落唔會正係食豬肉個口感咁悶，白飯又夠粒粒分明，唔會話煮到太爛，食吉列，如果個飯唔好食真係有D浪費。加埋佢地會不停refill D椰菜絲，真係唔錯既! 食左個SET個已經好飽,但仲有吉列野菜,佢份量都唔少嫁，不過食落都算炸得幾香口，最鍾意係個吉列南瓜好正!依到服務都算好好嫁,會好主動咁REFILL椰菜絲,而且味道又唔錯,值得一試。 …查看更多

喺朗豪坊經過近又好多次，但一次都冇食過，從來都冇人提議食li間。既然今次由我話事，又試下新野啦。a la carte價錢好似同銀座梅林差唔多，lunch set 平D，＄70幾起。吉列黑豚肉，可以配烏冬或者飯。椰菜絲沙律可以配蘋果沙律醬同青瓜沙律醬。蘋果醬好重味，個人鍾意青瓜清新D。炸得唔錯，豚肉肥瘦兼備，唔錯:) 便當，放到成枱都係好豐富 沙律麻麻，椰菜絲沙律好食D。刺身都幾肥美，唔錯。吉到蝦，蠔同黑豚肉，3款都唔錯。整體都唔錯，食物質素還可以，唔算好好食，但唔差。裝修好有日式感覺，而且座位好闊，坐得幾舒服。人唔算多，靜靜地適合傾下計。服務都幾好，好有禮貌。相比之下，除左青瓜沙律醬，銀座梅林食物方面比近又出色，其他都不相伯仲。…查看更多

今天和朋友一起到這間食午餐~~環境很舒適安靜~~朋友介紹這裡的吉列炸蝦+吉列豬扒定食不錯~所以就叫一份試試~吉列炸蝦很好味~蝦很鮮~~不過豬扒一般~肉很老~另外還有叫了2份吉列漢堡扒~~這個覺得不太喜歡~ …查看更多

這天男友想食吉列豬排，但成個旺角都無咩幾間好食~(家樂坊o個間都係麻麻~~)上openrice睇，見到有間係朗豪坊叫近又，評語又唔錯，就上左去試下。我地真係成日眼闊肚窄，又叫到成台野，我地兩個各自叫了個set再加多$48要左個吉列野菜。男友點的是普通的吉列豚，因為黑豚賣晒。個吉列豬排都炸得好脆好鬆化，而且豬排仲保留到肉汁。份量都算大份，差d食唔晒。我就點左吉列豚肉蘆荀卷，豚肉質感無吉列豬排咁好，但有包蘆荀，整體都算juicy~而且唔會整係食豬肉咁dry，加埋不停refill的椰菜絲，真係正!另外加點的吉列野菜，我地剩係食個set都飽到頂，但點都食埋佢。吉列野菜數量都唔少，而且炸得都好香口，個吉列南瓜好正!白飯都粒粒分明，飽滿圓潤，唔會煮到好爛，因為食吉列，如果d飯唔好食真係太打折扣。仲有店員會不停主動refill椰菜絲，真係抵讚!服務同食物我都好滿意，食得開心又好飽的一餐。…查看更多

差不多一年沒到過旺角，今天趁著E先生要到旺角朗豪坊辦點事，於是就不客氣的跟著去了，兩個人在中午的空檔時間，就打算隨便在朗豪坊找間餐廳吃個午餐，誰知朗豪坊人頭湧湧，好不容易才來到餐廳雲集的美食廣場樓層，更是擠得水洩不通，唯有繼續往上走，結果經過多間門口堆滿等位食客的餐廳，終於來到沒有人等位的近又吉列黑豚專賣店，二人喜出望外馬上讓店員帶位入座了。原來近又吉列黑豚專賣店跟盛八日式燒肉店屬同一集團，盛八的日式燒肉之前已經嚐試過，這次就試一下近又的吉列黑豚吧！從門面的木材裝飾，到餐廳室內的裝潢均以木材為主，再配以石磚地板、牆身盡顯心思，室內燈光稍暗，比起其他的吉列專賣店，近又更像居酒屋的格調，檯椅間隔寬敞，而且大多是沙發座位及卡座，甚為舒適。由於其時餐廳半滿，因此二人被安排坐進卡座，坐位舒適，檯面又夠大，所以這一餐吃得非常舒服。但在週日繁忙的午市時段，其他餐廳爆滿的情況下，近又吉列黑豚專賣店只屬半滿，實在覺得有點奇怪。打開餐牌，各款豚肉定食及海鮮定食選擇蠻多，定食包括：漬物、黑豚麵豉湯，以及可自由添加的椰菜&日本越光米飯，價錢由$118-158不等，跟其他別的吉列專賣店價格相若。點好食物以後，就動手來一下吃吉列的指定動作－磨芝麻，磨了好一會兒，連空氣中都散發著芝麻香氣，再加入黑豚醬拌勻。吉列一口芝士 $33 / 4本被餐牌上的流心吉列芝士波的圖片吸引，亦點了一碟來嚐嚐，誰知完完全全的貨不對版。吉列外層沒錯是炸得金黃香脆，滿心歡喜地吃，可是卻失望透了，裡面的芝士卻不流心，仍然處於凝固狀態，以油膩、滯膩來形容最為貼切，入口非常油膩，因為外層的吉列脆漿吸滿油，加上裡面的不流心芝士可謂倍添滯膩；想過要求再作一碟，但此刻興致全失，實在不想再作試驗，於是就不了了之。吉列北海道蝦+廣島蠔定食 $148繼不滿意的小食之後，我們的定食食物亦相繼送來了，這份吉列北海道蝦+廣島蠔定食賣相又的確是很不錯，加上近又用的是日本越光米，令白飯更為香軟好吃。漬物是日式芝麻醬豆腐，小小的一件豆腐，入口夠冰凍，上面淋上味道香濃的日式芝麻醬及香蔥，作為前菜漬物還不錯。黑豚麵豉湯的麵豉味道不濃郁，亦不算太鹹，加上湯裡面有不少黑豚肉片，還可以。這份定食有吉列北海道蝦2隻&吉列廣島蠔2隻，吉列脆漿做得不錯，厚薄程度適中，香脆可口，又不會太油膩，北海道蝦尚算大隻，蝦味香甜，廣島蠔雖不算大隻，但味道尚算不俗，算是這餐之中最好吃的，可惜每款只得兩隻，吃完就覺得份量有點不夠。吉列香蔥黑豚定食 $138另一份吉列香蔥黑豚定食賣相亦同樣美，單是看起來真的很吸引，尤其是那塊炸得金黃的吉列黑豚，上面鋪上大堆香蔥混合芝麻，叫人垂涎。吃之前先把醬汁倒在香蔥及吉列黑豚扒上，醬汁混合香蔥，更能令香味、美味提升，但同時醬汁會令吉列黑豚外層變濕淋，喜歡香脆的要注意不要一下子把醬汁都倒在吉列黑豚上便可，黑豚肉質尚算腍嫩，可惜脂肪部份佔整塊黑豚的三份一，可以吃的其實只有三份二，這點實在令我們很不滿意。食物方面，近又的食物賣相可算得上是滿分，可是都是徒有外表，沒有內涵，食物質素只屬於平平，味道亦不太美味，吉列一口芝士及吉列香蔥黑豚都令人不甚滿意，難怪其他餐廳人龍處處，而近又卻有不少空位，原來答案正是如此。服務方面算是不錯，店員雖然不算是非常友善，但對客人的態度是滿不錯的，食物上檯時店員又會說明一下食物名稱，這一點做得不錯，收碟速度亦非常快，若果食物質素得以改善，相信近又得到的評價應該會比現在的好。…查看更多

之前有吃過其他吉列豬飯，這間店就第一次嘗試。食店環境優雅，清潔乾淨，燈光少暗，令情調有點浪漫。未點菜前，已為每人準備一碗芝麻和壓碎用具，在送上餐點前有點細藝。連經理也只三名服務員，未能應付煩忙時段。叫了一份吉列黑豚，和一份吉列豬柳。放在桌上，混芝麻碎的醬汁，味道比我之前吃的差很多；另外兩種用來點菜絲的，打開瓶蓋看後，都令我放棄去用，比較嘔心。至於主菜吉列...脆皮和肉炸得完全分離，頗失敗。而跟餐的白飯，是微暖，不熱，飯竟然是不熱的！很失望的一餐，第一次去光顧，亦是最後一次光顧。…查看更多

肥妹早前話想食炸豬扒，但當時訂不到位，這天恰巧早食，特地前往此店，好使她了即心愿。這晚點了一個會員二人套餐，另加一份炸蠔拼大阪燒餅，一份松葉蟹腳及三文魚刺身，由於此店無熱清酒供應，故這晚改飲梅酒。套餐內食品也不算行貨，以套餐式食品評價，也算不錯，只是上菜方面需改善一下，前菜及刺身等食物與吉列盛盒一齊上，有迫令人食得太急的感覺，也會做成食完前菜及刺身後，吉列食物已攤涼了影響食品質素，浪費廚師的心思和技術。這晚的梅酒，不是冰凍，只是略涼，梅味清香，入口頗甜，或許加冰會更好，實際上較適合女仕淺嚐。套餐內附的與外間的相比沒有特別，相當普通。前菜京都五彩漬物，蘿蔔醃得非常入味，又清香，木魚碎下還隱藏了一個漬菠菜，味道清淡中還保持了淡淡漬物的酸味，很不錯。龍蝦蟹子沙律，疏菜清香，龍蝦肉打碎再用醬撈好伴入沙律，再加入黑魚子，沙律入口清新鮮甜，也在口內起了微妙的變化。剌身盛盒的三文魚，夠肥美，入口夠鮮味；甜蝦，夠大隻，入口確有蝦的甜味；油甘魚，夠新鮮，入口清甜可口；帆立貝，夠鮮嫩，入口幼嫩清甜，整道剌身總括來說都能做到新鮮味美。吉列盛合的吉列芝士千層，上檯時已切開，中間的芝士在半溶狀態下向外輕微溢出，如果即時入口相信會更美味，可惜要先吃完前菜沙律等才輪到吃這熱的盛盒，變成略為攤凍了，但入口芝士尚有微暖，香軟可口；吉列北海道大蝦，吉列漿十分脆口，蝦肉彈牙，入口爽甜；吉列廣島蠔，外脆內嫩，入口蠔香滿嘴，回味無窮；吉列比目魚柳，魚肉鮮嫩，入口清甜，由於放在最底部熱力未散減，入口更覺美味；松葉蟹野菌餅，蟹味有點不足，野菌清香，但就略為涼了半點；吉列南瓜，太薄，口感弱了些，尚算清甜；吉列蕃薯，夠香甜，入口外脆內淋；吉列茄子老婆吃了，我沒吃但椐她講也一般可接受。甜品是普通的紫芋雪糕，我沒有品嚐，但肥妹吃了一半就放棄，可知其味道不會好到什麼程度了。另加的炸蠔拼大阪燒餅，炸蠔跟吉列盛合的一樣，燒餅味道略偏濃，但口感就比在日本食過的大阪燒餅，它落粉漿的比例重一點，勉強也具有它的精箤。松葉蟹腳，其實正式來說是半隻蟹鉗，入口蟹肉鮮甜，幼嫩蟹肉加上濃郁的蟹味令人停不了口，真的想食完再食。另加的三文魚刺身，跟套餐內的三文魚刺身相比沒兩樣，所以說這裏的套餐跟外邊一般做的套餐分別就是不會套餐用了較次的材料，真是超值。…查看更多

今次係第二次幫襯哩間野因為第一次食完之後覺得好味所以一直都想再來～今次都係兩個人差唔多7點到既時候入座已經沒卡位了睇menu已經好吸引今次試左吉列香蔥黑豚定食超級大份啊!!真係炸得好靚啊.但我覺得黑豚的口感麻麻地同埋唔夠熱  感覺係擺左一陣先上菜??另外 又食到有肥豬肉 覺得麻麻地喎配菜要加上蘋果醬或黑豚醬就好好味味道酸酸地 如果唔想太酸 就可以落 青瓜醬～…查看更多