Slowlife 漫活堂 (已結業)

今日上網搵到間健康餐廳， 聽個名好似幾relax， 所以就去試下～ 座位唔算好多但有靠窗既位都幾舒服 除左堂食都仲有一D健康食品賣 餐廳主打無味精、無雞粉、無激素、健康同有機， 感覺好健康 套餐有輕盈套餐同「漫」煮套餐， 除左套餐都有單點既食品。 點左漫煮套餐，蘑菇汁燴「漫」煮無激素雞脾肉配意粉，跟餐既沙律好新鮮，有士多啤梨同柚子，仲落左醋同橄欖油，雞脾肉好淋好滑，食落有蘑菇汁味，但就真係唔咸既，反而薯角就咸，好似落左D椒鹽咁，幾香口。甜品係芝士蛋糕，唔係好甜，幾好味～ 另一個餐點左低溫「漫」煮黑啤燴澳洲和牛牛面肉配健康飯， 牛肉都幾多， 而且聽講係好淋好滑， 不過都係唔咸既加左兩件酥炸生蠔，呢個好似同健康餐唔係好夾。。。。XD不過係新鮮熱辣炸好既，好香口 跟餐係茉莉花茶， 呢個茶包幾香而且唔苦 如果唔係太多人，靜靜地一個人喺度享受一個下午都幾舒服