影片
更多
2021-11-19
2074 瀏覽
尖沙咀厚福街一向都好多好嘢食，今次就去咗H8呢棟食廈入面嘅The Captain's House，佢嘅美式shake shake海鮮袋好吸引🤩一直都想試下，今次就趁幫朋友慶祝生日🎂去試下佢嘅招牌海鮮菜式，由前菜、海鮮袋去到主菜都有滿滿嘅海鮮，好滿足😗😗路易斯安那特色蟹餅呢個蟹餅好足料，成個蟹餅都係一絲絲嘅蟹肉🦀食到濃郁但唔腥嘅蟹味，唔錯。Seafood Platter（海蜆、海蝦、青口、甜粟米、新薯、豬肉腸）叫呢個platter可以因應人數揀3款、5款或者8款海鮮，海鮮款式都可以自選。醬汁都可以3揀一，我自己就揀咗cajun蒜蓉汁🧄另外仲有lemon butter同pepper butter。上枱嘅時候店員會即席係你面前shake個海鮮袋，將裡面嘅海鮮同醬汁撈勻。如果可以俾客人自己shake應該會好玩啲呢👯♀️😛😛海鮮份量幾多，醬汁蒜蓉味好出，好惹味，同啲海鮮好夾。帶住手套剝蝦同食海鮮特別有風味～配菜仲有薯仔、腸仔同粟米，薯仔夠粉又索晒啲汁，粟米好夠甜，幾好食😋墨汁鮮魷魚，八爪魚意大利飯食完啲海鮮其實已經飽咗🤣🤣不過都要食埋呢個risotto。配料有墨魚仔同魷魚圈，risotto真係黑
路易斯安那特色蟹餅
呢個蟹餅好足料，成個蟹餅都係一絲絲嘅蟹肉🦀食到濃郁但唔腥嘅蟹味，唔錯。
Seafood Platter（海蜆、海蝦、青口、甜粟米、新薯、豬肉腸）
叫呢個platter可以因應人數揀3款、5款或者8款海鮮，海鮮款式都可以自選。醬汁都可以3揀一，我自己就揀咗cajun蒜蓉汁🧄另外仲有lemon butter同pepper butter。上枱嘅時候店員會即席係你面前shake個海鮮袋，將裡面嘅海鮮同醬汁撈勻。如果可以俾客人自己shake應該會好玩啲呢👯♀️😛😛海鮮份量幾多，醬汁蒜蓉味好出，好惹味，同啲海鮮好夾。帶住手套剝蝦同食海鮮特別有風味～配菜仲有薯仔、腸仔同粟米，薯仔夠粉又索晒啲汁，粟米好夠甜，幾好食😋
墨汁鮮魷魚，八爪魚意大利飯
食完啲海鮮其實已經飽咗🤣🤣不過都要食埋呢個risotto。配料有墨魚仔同魷魚圈，risotto真係黑得好勻循😂落咗好多墨汁🦑口感調味都剛好，有啲洋蔥蒜茸嘅味道，食落唔會好膩。
棉花糖朱古力
飽到上心口依然要食返個甜品作結🤪呢個s'more用嚟慶生就啱晒，用鐵板盛載，面頭焗至金黃色嘅棉花糖加埋下面嘅朱古力漿，可以用餅乾點嚟食。本來以為又棉花糖又朱古力會甜爺爺咁，但朱古力係dark chocolate，平衡返棉花糖嘅甜，仲有啲nuts，所以整體食落又唔會好漏👍🏻大人細路都啱食。
Pineapple on the floor、Blue Ocean
呢度嘅cocktail同mocktail都有好多款式，呢兩杯mocktail顏色超級靚，好夢幻😻酸酸甜甜咁，配其他菜色就啱晒。
人均消費：$420
推介指數（10分為滿分）：8.5分
張貼
