影片
更多
2012-11-23
41 瀏覽
瀏覽「食府盛薈2012」專頁時，留意倒間喺公司附近o既Zummer，見佢地刊登喺網頁上個Set Lunch Menu都唔錯，所以就約埋表弟同表妹去試下。當XO正準備網上訂座時，發現原來此服務只限於晚市適用，午餐一定要打電話訂位，小弟真係好唔明白咁點解要擺個午市套餐上網比人睇呢？！此外，個套餐係成日轉o既，訂座時接線生話佢地都唔知道內容，要客人去到餐廳先會知wor。如果XO仔冇記錯，Zummer前身係DAP。新餐廳Zummer仍保留23上25樓嗰條樓梯，地方依然好光猛，間隔亦冇乜大轉變；雖然枱櫈唔同左，但仍不失高雅o既格調。服務生就唔同哂啦，25樓係全男班，有後生有老大。午市時間真係好忙，見佢地出出入入，真係氣都冇得透，所以除左落單，我地都盡量唔騷擾佢地。埋位都好感激佢地問我地要涷水定熱水；見佢地壺涷水入面有青瓜，XO當然係要熱水啦！哥哥仔幫我地落完單，就攞左籃麵包比我地食。雖然唔係好夠熱，不過個蒜蓉包味道唔錯，包身唔硬，而且係免費贈送，所以一向唔浪費食物o既小肥成籃清哂！我地三老表一人叫左份set lunch，三個都飲餐湯，不過主菜就全部唔同， 一人叫一款：是日例湯之忌廉甘筍湯：湯屬和
當XO正準備網上訂座時，發現原來此服務只限於晚市適用，午餐一定要打電話訂位，小弟真係好唔明白咁點解要擺個午市套餐上網比人睇呢？！此外，個套餐係成日轉o既，訂座時接線生話佢地都唔知道內容，要客人去到餐廳先會知wor。
如果XO仔冇記錯，Zummer前身係DAP。新餐廳Zummer仍保留23上25樓嗰條樓梯，地方依然好光猛，間隔亦冇乜大轉變；雖然枱櫈唔同左，但仍不失高雅o既格調。
服務生就唔同哂啦，25樓係全男班，有後生有老大。午市時間真係好忙，見佢地出出入入，真係氣都冇得透，所以除左落單，我地都盡量唔騷擾佢地。埋位都好感激佢地問我地要涷水定熱水；見佢地壺涷水入面有青瓜，XO當然係要熱水啦！
哥哥仔幫我地落完單，就攞左籃麵包比我地食。雖然唔係好夠熱，不過個蒜蓉包味道唔錯，包身唔硬，而且係免費贈送，所以一向唔浪費食物o既小肥成籃清哂！
我地三老表一人叫左份set lunch，三個都飲餐湯，不過主菜就全部唔同， 一人叫一款：
是日例湯之忌廉甘筍湯：湯屬和暖，味道帶甜，忌廉唔會太厚，所以唔溜。
問題係哥仔拎走個湯碗之後，表妹發現碗底留下一個深黑色o既印。XO見狀，真係唔敢想像自己嗰隻湯碗會唔會喺廚櫃時就係存放喺表妹嗰隻碗下底，非常驚嚇！（依個亦係衛生分咁低o既原因。）
黑松露意大利雲吞（HK$ 88，一客三件）：道主菜唔夠熱，真係連煙都冇架！Ravioli個皮較硬同乾，黑松露味亦唔夠濃烈。表妹一早估倒份ravioli肯定唔夠我食！
甜品之Thin Apple Tart + Vanilla Ice-Cream（加HK$ 25）：餐牌上唯一冇中文譯名之食物。因為小肥唔夠飽，所以先叫左份甜品黎食。要讚o既係雪糕好夠涷，上枱仲未溶哂。蘋果撻好薄，尚且夠熱，又有蘋果肉，可惜食完兩件， XO都依然係唔夠飽。
總結，雖則地方坐得舒服，可惜衛生有問題（碗底留下黑印之謎），而且要成舊幾水食餐唔飽肚o既午餐，對人工唔高o既小肥黎講係超級唔抵食囉！所以我自己就唔會再幫襯啦！張貼
