更多
2020-06-27
8404 瀏覽
每間餐廳都有有今生無來世嘅promotion，你近來試左幾多個？有睇開你應該有印象我去過red lobster，上次試過這類嘅多種不同龍蝦菜式，今次係$168一位 ，個半小時內endless shrimp 優惠。個半鐘你可以食到幾多隻蝦，點endless法，就睇你個人功力。我諗我仲有個朋友食咗大概五六十隻蝦到，我都無佢咁勁，以平時Red lobster 嘅價錢，我諗真係值回票價，6月30號前仲有呢個優惠，大家有興趣就把握呢幾日去試吓。不如就先睇吓六樣菜式係乜嘢。第一個係呢個夏威夷椰子蝦，size比較大隻，炸得乾爽，上邊有好多熱帶果肉，食完呢隻蝦你真係感受到夏日嘅夏威夷氣息，味道來講我唔係特別鍾意，所以只係叫咗一round 。炮谷蝦同夏威夷椰子蝦一樣，又係炸到阿媽都唔認得，不過相對好似炮谷咁，一粒粒食就入口易好多。大蝦手工薄餅，其實都唔錯，不過相對我個人來講，對薄餅嘅要求好高，呢個雖然唔錯，但係都係一塊起兩塊止。然後另外個三個就係絕對要試吓嘅菜式，張國榮話齋，一追再追。烤大蝦味道非常不錯，不過唔夠熱，如果夠熱嘅話，呢個實在一流，隻隻又爽又彈牙。最好吃我相信係呢個招牌蒜蓉蝦，熱辣辣，蒜蓉嘅
有睇開你應該有印象我去過red lobster，上次試過這類嘅多種不同龍蝦菜式，今次係$168一位 ，個半小時內endless shrimp 優惠。
個半鐘你可以食到幾多隻蝦，點endless法，就睇你個人功力。
我諗我仲有個朋友食咗大概五六十隻蝦到，我都無佢咁勁，以平時Red lobster 嘅價錢，我諗真係值回票價，6月30號前仲有呢個優惠，大家有興趣就把握呢幾日去試吓。
不如就先睇吓六樣菜式係乜嘢。
第一個係呢個夏威夷椰子蝦，size比較大隻，炸得乾爽，上邊有好多熱帶果肉，食完呢隻蝦你真係感受到夏日嘅夏威夷氣息，味道來講我唔係特別鍾意，所以只係叫咗一round 。
炮谷蝦同夏威夷椰子蝦一樣，又係炸到阿媽都唔認得，不過相對好似炮谷咁，一粒粒食就入口易好多。
大蝦手工薄餅，其實都唔錯，不過相對我個人來講，對薄餅嘅要求好高，呢個雖然唔錯，但係都係一塊起兩塊止。
然後另外個三個就係絕對要試吓嘅菜式，張國榮話齋，一追再追。
烤大蝦味道非常不錯，不過唔夠熱，如果夠熱嘅話，呢個實在一流，隻隻又爽又彈牙。
最好吃我相信係呢個招牌蒜蓉蝦，熱辣辣，蒜蓉嘅油香一流，我諗一碟有六七隻，我哋食咗大概有十幾碟。
招牌蒜蓉蝦基本上係最好食嘅焦點，基本上食返十幾廿碟，你一定會回本。
但個人私心其實反而係呢個大蝦意粉配龍蝦，好老實，我上次a la carte 食過一次，對佢已經讚不絕口，今次可以任食，仲要即叫即製，嗰個龍蝦醬濃到一個點，講真淨係食呢個都已經回本。
不過老實講每次點餐後，都真係要等好耐，而且仲要不斷吹單，服務上邊係有啲未夠好。
除咗呢六樣嘢之外，每人仲會有菜同一客飯送俾你。
另外當晚仲可以加$98任飲Stella生啤，我同朋友每人飲咗四杯，又係值回票價，大蝦加啤酒，再加一口意粉，人生樂事。
當晚上層嘅經理知道佢哋招呼不周，都不斷幫我哋追單，都好照顧我哋，仲有甜品送。
不過如果你真係食得多嘅話，你不斷要加單不斷要追，唔係會好失望。
但講真一般人來講，其實你食兩碟意粉再加幾碟蒜蓉蝦同烤蝦，我覺得都已經回本。
飽到今朝每人都只係二百幾，你仲想點？
如果趕唔切食呢個endless shrimp ，遲少少又會有一個新嘅promotion，我再話俾大家睇。
Red Lobster
銅鑼灣Fashion Walk加寧街8號地舖
張貼
