103
42
18
港鐵銅鑼灣站 E 出口 繼續閱讀
電話號碼
22612996
營業時間
今日營業
11:30 - 22:00
星期一至日
11:30 - 22:00
*Last Order: 21:30
付款方式
Visa Master AlipayHK 支付寶 現金 AE
座位數目
130
其他資料
電話訂座 詳細介紹
當面支付
食評 (179)
等級4 2021-01-15
924 瀏覽
呢間新開嘅過江龍甫開業已經日日爆滿,如果想食到嘅都要提前至少一星期訂枱,今次就揀咗呢度食生日飯,不過貫徹唔少過江龍新開張既問題,就係服務水平比較參差,有部份侍應全晚手腳頗慢,成日漏單又上錯菜,本身仲order咗signature既原隻蒸龍蝦都漏咗單無得食,不過都有部份侍應態度非常好又送甜品,希望遲d服務水平可以穩定d好d啦。龍蝦濃湯質感濃稠creamy,有濃郁嘅龍蝦鮮味同海水味,飲到最後有少許咸,不過整體都ok,單點價格頗高。紅龍蝦最愛車打芝士鬆餅呢度最signature嘅反而唔係龍蝦,而係呢個免費任叫嘅cheese scone,一開始就會放一籃係度,之後再要嘅話先再order。食嘅時候仲係暖暖地,入口唔算脆但係幾鬆化,有淡淡嘅芝士味,鹹鹹地幾得意,就連唔食芝士嘅媽咪都鍾意。新蘇格蘭龍蝦海鮮鍋(2-3人用)非常具分量嘅龍蝦鍋,2-3人份量有3隻龍蝦尾,扁意粉、青口、蝦、魷魚等,雖然唔係原汁原味,但都食得出龍蝦好新鮮,唔係完全熟到d肉全部白色,仲有少少半透明,肉質爽彈、彈牙,煮得啱啱好。個白酒汁就比較稀,有淡淡奶味,正正常常唔會蓋過龍蝦本身嘅甜味。大蝦三重滋味拼盤呢度除咗龍蝦之外都有唔少大蝦嘅菜式,呢一個就可以試到三款唔同整法嘅蝦,包括炸蝦、蒜蓉焗大蝦以及龍蝦醬大蝦意粉,意粉唔錯,醬汁唔多但係食到龍蝦味,意粉質感彈牙,其餘兩款就正常冇乜特別咁啦。西冷/肉眼(7安士)雖然呢度既menu都幾重視surf & turf(海陸兩款肉類),有肉眼、西冷同牛柳揀,唔記得咗嗌咗肉眼定西冷,驟眼睇係非常之薄身,雖然煎到賣相幾靚,有明顯格紋,不過肉味唔夠,太薄身,整體麻麻地啦,證明專食海鮮嘅話,就唔需要再叫其他肉類喇。薯蓉、黑松露薯條我哋叫咗幾款side dishes,有薯蓉、薯條、雜菜同烤薯,不過最尾雜菜同烤薯就唔見咗,變咗2碟薯蓉同2碟薯條。不過薯蓉就幾好食嘅,質感軟滑creamy有明顯薯仔香味,配埋面頭嘅芝士醬同sour cream都唔錯。另外薯條都幾好食,切得幼身,炸得香脆,有淡淡黑松露味,配埋茄汁同千島醬,我個人就覺得點千島醬比較夾黑松露味喇。巨浪朱古力蛋糕因為蒸龍蝦漏咗單又賣晒,所以最尾就送咗呢個甜品俾我哋,上枱嘅時候侍應會係隻碟底下既乾冰注入水,即時有唔少煙飄出嚟,可以打卡。講返個甜品,屬於比較硬身嘅質地,質感厚實,配埋雲呢拿雪糕食可以解膩,不過食到咁飽一定要幾個人share,如果唔係就好漏喇haha。人均消費:$180推介指數(10分為滿分):6.5分 繼續閱讀
(以上食評乃用戶個人意見 , 並不代表OpenRice之觀點。)
有時候諗起獨特又寧靜環境既餐廳,想必然會到銅鑼灣,而銅鑼灣一帶其實美食林立⛩,要食啲好味拉麵,又或者好食既西餐廳亦都好多食店都進駐係銅鑼灣🚋,每逢星期六日夜晚差唔多間間餐廳都多人排隊,今次小編同朋友去既呢一間「Red Lobster」就專登好早起身入到嚟銅鑼灣食餐廳既龍蝦大餐🦞,事不宜遲就為大家講一講餐廳好食既原因👀。✦✦✦✦✦✦✦✦✦✦✦✦✦✦🎈Spicy Seafood Flat $88呢款Pizza上面有好多龍蝦仔係上面🤤,而每一啖除咗食到香辣既味道外,豐富又充滿口感龍複肉一啲都唔孤寒,非常之多🤯。但係Pizza底就整得太乾身,好似食緊餅乾一樣太硬🍘,如果可以焗得短返少少時間,或者麵粉多返水分💦,口感會更好。✦✦✦✦✦✦✦✦✦✦✦✦✦✦🎈Lobs Pasta $138小編估唔到意粉竟然可以有咁濃郁既龍蝦醬汁🧂,而且每一啖都可以食到龍蝦肉,超級滿足。香濃既醬汁包圍整個意粉,而意粉質感口感適中,最重要就緊係龍蝦肉🦞,濃郁意粉絕對令你愛不釋手😚。✦✦✦✦✦✦✦✦✦✦✦✦✦✦🎈Feasts $518 最期待既主菜原隻龍蝦以及有牛油浸海蝦、天婦羅海蝦、原粒薯仔同長腳蟹呀😍。原隻龍蝦會有員工幫忙即場拆開,等你之後可以慢慢咁食龍蝦肉😋。而原隻龍蝦肉會配上牛油清,除咗可以食到原汁原味龍蝦鮮甜之外,仲可以加上小小既牛油清,提升鮮味以及牛油濃郁清香增加食慾😊。 另外,仲可以食到牛油海蝦同天婦羅海蝦🦐,龍蝦大餐有三重享受,一、龍蝦鮮甜味;二、脆炸海蝦;三、經過牛油浸泡既海蝦,好滋味🤩。而且仲係長腳蟹食,多肉多汁,l非常鮮甜🥰,原隻大啖蟹肉,蟹控既朋友絕對滿心歡喜🤲。不過小編食哂整個套餐後都係對原隻龍蝦嗰種鮮甜味以及長腳蟹最有深刻,非常好食👍。✦✦✦✦✦✦✦✦✦✦✦✦✦✦今次小編嗌咗咁多樣嘢,叫到成張枱都係野食🤭,都只不過唔過$1000蚊,出乎意料地性價比超高,而每一款菜式都會有蝦肉係入面。另外,餐廳既位置係位於皇室堡後多一兩條街,叫加寧街。但唔講唔知原來入面都仲有一條酒吧街🏃‍♂️,下次同朋友嚟銅鑼灣都可以特登行入嚟睇吓仲有咩好嘢食👀。呢間「Red Lobster」小編真心為大家推介,如果好鍾意食龍蝦肉既朋友,絕對唔可以錯過啦👅。✦✦✦✦✦✦✦✦✦✦✦✦✦✦ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-18
2801 瀏覽
提早幾個星期book定嘅Red Lobster 🦞 雖然係過江龍餐廳🍴但上網見到好多負評🤔今次就去探個究竟😌.叫左龍蝦墨西哥卷餅 🌮Lobsters Tacos墨西哥滿餅鋪滿龍蝦肉🦞配上牛油果莎莎醬和墨西哥辣醬☺️仲有香脆薯條🍟味道都尚算不過不失.Mains叫左海鮮拼盤 $328Lobsters 🦞 Shrimps and Scallops有烤龍蝦尾 大蝦🦐帶子配野米藜麥飯及烤蔬菜🥗龍蝦肉超級爽滑彈牙 食得出好新鮮😍🤤不愧為龍蝦專門店!大蝦同帶子都好鮮甜爽口藜麥飯就比較乾身 個人覺得一般般😂另外嘅吼蔬菜都係正正常常有翠玉瓜 三色椒等等有機會會試吓全隻龍蝦菜式.另外睇咗OpenRice食評好多人都大讚餐前嘅車打芝士鬆餅🧀聽講好好食仲可以無限添加所以我都好期待😌但坐低咗之後叫埋嘢食餐廳仲未比我地😅見到隔離枱都有就忍唔住舉手問😅呢度真係有少少扣分🥺因為餐廳係唔收Service charge不過都應該提供基本嘅服務吧🥺但不得不讚嘅係芝士鬆餅真係好好食🤣車打芝士味非常香濃 鬆餅仲係熱辣辣作為餐前包點來講真係好出色🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-23
5828 瀏覽
限聚令放寬,相隔幾個月,終於可以來一次閨蜜四人飯局,補祝好友8月份的生日,也預祝窩夫10月的生日。被安排坐在一樓其中一間房間內,先確定不設最低消費,滿心歡喜,又沒有限制時間交枱,可以慢慢食,邊食邊傾,結果坐到餐廳打烊才離開呢。坐下來不久便送來車打芝士鬆餅,不知道為什麼會有五個,暖暖的鬆餅外層微脆,窩夫很快便吃掉了一個。夏威夷吞拿魚塔只售38元,初初還以為看錯價錢,吞拿魚配上芒果和豆,紅黃綠三色加上黑白芝麻,賣相吸引,味道也不錯。紅龍蝦招牌沙律($98)是店員推介的,龍蝦肉份量足,生菜新鮮爽脆,千島醬不會太重手,不過如果牛油果、番茄和烚蛋等切得大粒一點,口感和味道會更加豐富。主角美式蒸活龍蝦(兩磅$688)來了,客人拍照後,店員會幫忙拆肉。龍蝦拆肉後上桌,排列得整整齊齊,而且還是熱辣辣冒煙的。簡單蒸製最能帶出活龍蝦的鮮味,啖啖肉又不用自己動手,吃得特別滋味。後加了一客香酥炸魷魚($48),十分香脆。到甜品時間,愛溢布朗尼($78)超大份呢。奶茶意式鮮奶凍($38)也比預期中大,意式奶凍的奶茶味夠香濃,但珍珠偏硬,有很大的進步空間。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-14
1121 瀏覽
Red Lobster最近推出了新的Brunch Menu, 難怪在openrice一直找不到食評!又不知道質素各樣如何, 既然係咁,就試一試去,順便打個食評比大家參考下.*FULL MENU可以係佢地網站見到.當日11點半左右到,唔洗等位,無人排. 一早睇左餐牌,本身想點主餐牌食物,但見到有BRUNCH MENU就試一試$188 龍蝦班尼迪蛋&薯條  套餐包括 檸檬茶 沙律/南瓜湯$98 大蝦意粉配龍蝦醬 套餐包括 檸檬茶 沙律/南瓜湯一坐低無耐. 職員已遞上熱烘烘既車打芝士鬆餅.其實私心係為左個鬆餅而來,因為好多人話好好多,試完味道好好,只係我比較喜歡質感實淨既鬆餅,佢呢隻口感係同KFC個早餐鬆餅好似.但味道就係好香既芝士味. 雖然係咁, 但我都食左三舊之後就好快就有杯凍檸茶 (得一片檸檬,好彩茶底都算幾好) 沙律 有海量芝士係面頭..仲有新鮮青番茄粒. GOOD南瓜湯.好甜....唔好飲...主菜終於到,但我影得好衰, 實埋好大盤! 比我想像中大盤!麵包底係竹炭包,唔係傳統既Muffin,但係口感更好,無咁膩同埋濟.龍蝦肉好大隻,而且好爽口.薯條似係M記個隻. 無特別. 但$188來說 有點少貴. 試一次就夠.另外一提,佢另外仲有兩款三文魚班尼迪&兩款傳統班尼迪. (汁唔同)可以優惠價$128 MIX&MATCH. 第二道主菜呢個意粉不得了,首先有好多隻大蝦,然後就係好多汁...幾本上食每一淡意粉都唔洗特別撈汁.因為己經掛晒係意粉上面. 好得! 性價比好高!其實佢地餐牌仲有好多想食,下次晚餐一定要再試埋其他野. 繼續閱讀
(以上食評乃用戶個人意見 , 並不代表OpenRice之觀點。)