更多
2020-03-06
8573 瀏覽
看到這間店是因為J先生同L先生的BLOG，看到那龍蝦的美麗，在mon前大叫起來，bookmark 間餐廳，同自己講，搵機會一定要過黎食。如果身邊朋友大多是飲食博客，就會有呢個情況。當你見到一啲餐廳好正嘅時候，你就會好想去食，好處當然係食飯唔使諗成日有貨，壞處就係食多好多嘢。特別係今年，無數咁多新店開，好多過江龍都嚟咗香港，尤其是呢間，red lobster。Red Lobster是來自美國的龍蝦主題餐廳，同時供應好多唔同種類嘅海鮮，如蟹腳、大蝦等等香港人最愛嘅海鮮，今次將好多美國嘅item都搬咗嚟香港，而且亦有不少香港限定的推薦。全球各地有750間分店，其實都幾有氣勢， 希望唔好好似日本牛肉飯咁緊要勁排隊。幸好上星期的星期四晚上，同一班friend訂咗位，大家都無畏無懼，照樣繼續去。不過我想講你知，雖然唔使訂位，但係餐廳都全滿。前菜有這個Cheddar Bay Biscuits 車打芝士鬆餅贈送俾大家，出奇地好食，送上威士忌定紅酒好呢？今晚不飲酒，因為揸左車，最後選擇了有氣礦泉水，可以幫助消化。Shrimp Cocktail 這個像雞尾酒一樣的蝦杯絕對係呃Like 之物，底下放咗乾冰之
如果身邊朋友大多是飲食博客，就會有呢個情況。當你見到一啲餐廳好正嘅時候，你就會好想去食，好處當然係食飯唔使諗成日有貨，壞處就係食多好多嘢。
特別係今年，無數咁多新店開，好多過江龍都嚟咗香港，尤其是呢間，red lobster。
Red Lobster是來自美國的龍蝦主題餐廳，同時供應好多唔同種類嘅海鮮，如蟹腳、大蝦等等香港人最愛嘅海鮮，今次將好多美國嘅item都搬咗嚟香港，而且亦有不少香港限定的推薦。
全球各地有750間分店，其實都幾有氣勢， 希望唔好好似日本牛肉飯咁緊要勁排隊。
幸好上星期的星期四晚上，同一班friend訂咗位，大家都無畏無懼，照樣繼續去。
不過我想講你知，雖然唔使訂位，但係餐廳都全滿。
前菜有這個Cheddar Bay Biscuits 車打芝士鬆餅贈送俾大家，出奇地好食，送上威士忌定紅酒好呢？今晚不飲酒，因為揸左車，最後選擇了有氣礦泉水，可以幫助消化。
Shrimp Cocktail 這個像雞尾酒一樣的蝦杯絕對係呃Like 之物，底下放咗乾冰之後造出一個仙氣下凡的樣子，那個蝦的鮮甜，同個樣一樣有板有眼。
龍蝦湯，點題必點之品，最好係又唔太濃先正。
我好少見咁大份嘅沙律，Red Lobster Salad 以他們招牌的紅龍蝦為主角，送上這個紅龍蝦招牌沙律，老實講，非常好食，那個蝦鉗已經值回票價，沙律都唔係求其貨色，總之呢個一定有驚喜。
然後送上的Ultimate Feast無敵海鮮大餐，應有盡有，應該係人都會選到自己喜歡的一樣，有蟹腳，有蝦，有炸蝦，有龍蝦尾，你愛食乜就食乜，而且又係價錢相宜，剩係食蟹腳都已經又抵又正，最緊要今晚仲要靚仔幫你拆蟹腳，夫復何求。
Land and sea 海陸雙鮮有勁正嘅肉眼牛扒和名貴的龍蝦尾，平時你係美心好有名間扒食呢個combination ，價錢一定貴好多，而且要特別讚係舊龍蝦尾加少少油香，那爽甜的美，令人享受得很。
Live Maine Lobster Steamed 美式蒸活龍蝦絕對係一個賞心樂事，又好食又好睇，店員會幫你生拆成隻龍蝦，由拆完到完整上枱俾你影相再食得都只不過十分鐘唔使嘅時間，最重要係夠新鮮，甜得要命。(題外話，用龍蝦頭蝦膏造成嘅醬汁，一定要試。）
我愛死這個意粉， shrimp Pasta with Lobster Cream Sauce 雖然大蝦意粉配龍蝦醬無乜名貴野，但係我想起了carbone，雖然沒有佢咁出色，但也不錯，特別那個龍蝦醬實在叫人著迷。
兩個甜品，香港限定的有Milk Tea Panna Cotta 奶茶意式鮮奶凍 (HK$38)，樓上的奶茶珍珠，煙韌得可愛，大概港式口味一定受歡迎。
甜人一定愛這個Chocolate Tidal Wave 巨浪朱古力蛋糕，又係仙景咁樣，不過呢個略為甜的選擇，我就麻麻。
吃左咁多樣野，我覺得整體都好出色，特別如果你喜歡龍蝦的話，以這個原因來，絕對不會錯。
Red Lobster
銅鑼灣Fashion Walk加寧街8號地
張貼
