大家樂 (海怡西商場)

營業中

休息中

又到糧尾，又要靜靜雞撇甩班同事，去搵啲又平又抵食嘅 lunch，其中一個選擇就係去大家樂。匆匆排隊買完飛，又要去排隊攞嘢食。午市時段超多人，好不容易俾我攝到一個位坐。同時，考慮下次買外賣會唔會更好呢? 好過捧住啲嘢食周圍搵位。今日係食【R1鮑片竹笙雞粒炒飯】配熱咖啡。呢個係全日至平的午市套餐，除咗我之外，仲有好多客人買嚟食……英雄所見略同。碟飯份量都幾大呀，有三片鮑片，味道都OK，仲有好多雞粒和菇粒。另外，仲有竹笙，口感幾爽。匆匆食完，就返去，開手機煲劇。