金記冰室 (已結業)

星期六，唔洗返工，訓醒已是11點，起身去食過brunch。今次去金記冰室，金記冰室1967年開業，至今超過50年，非常老字號。由於時間尚早，不用等位，今次叫了我非常喜歡的豬潤麵餐，餐有多士、火腿奄列及餐茶，$45蚊。豬潤麵好好食，因為豬潤非常新鮮爽口，奄列一般茶餐廳水準，多士牛油味好香，夠脆，唯獨是今次奶茶不夠熱，但都細嫩幼滑。順帶一提，金記冰室的麵包蛋撻都不錯，我最喜愛食酥皮蛋撻、麥西哥包同菠蘿包。