李好味 (已結業)

中環想食中餐，諗住搵間可以飲下酒食下中菜嘅地方。裝修不錯，想營造舊式大牌檔feel. 點左菜之後，係懶有gimmick嘅餸名，單看menu,見到價錢唔驚訝。(住) 一行4人，叫左個李滷味$13x，西蘭花$99，你的芋法$169，蟹蓋xx (老實講，呢啲李力持式嘅舊gag嚟改名有啲娘。所以連名都唔想記得)咸咸xx煲仔飯$249。 再加支$480嘅白酒。埋單$1360. 總括評語係，呢個價錢，係一個好sad嘅Portion.中環大把選擇，你個煲仔飯，收我248，啲飯煮熟左係個煲嘅一半都冇，好想問啲米有幾貴。 個蟹蓋，一件，跟一個饅頭，好似個甜餐飽仲要細，收接近200。個你的芋法，係兩個芋角加啲汁。 食晒啲餸完全半飽都冇。我會俾credit 個厨，因為味道係好味。但係你唔好以為喺中環就老奉係要貴，完全唔值，淨飲野咪算囉，食野大把選擇。你嘅食物定位，外國人唔會鍾意，本地人覺你掠水。sorry,絕對不是fusion。 唔會再嚟食飯。番到屋企仍然餓著。不要中伏。