地點：上環蘇杭街
菜式：碗飯
餐牌：自選poke bowl可以自由選擇飯/糙米飯/蕎麥麵/沙律菜或者兩溝都得，仲有藜麥粟米沙律，可以多飯少飯正常飯。再加1款蛋白質（肉類海鮮或者菜），再加三款配料，自家製醬汁1款，同脆脆一至兩款，款款寫清楚價錢。可以追加配料，希臘乳酪碗，加配餐飲。另外都有推薦菜品，包括好幾款預設口味碗飯。用手機落單，逐樣逐樣揀自選bowl都好方便。
I Am Greedy $158
三文魚，吞拿魚，鮮蝦，蟹柳沙律，蟹籽，雞蛋絲，青瓜，枝豆，芝麻配自製醬油
呢款I Am Greedy材料豐富，用個大碗裝住。三文魚同吞拿魚粒都大大粒，份量唔少。鮮蝦有幾隻。仲有脆脆蟹籽加添口感。我叫左多飯，珍珠米凍凍地又酸酸地，味道唔錯。
加$20加左慢煮雞胸一客5片，完全唔鞋，非常嫩口，好正！
Salmon The Classic $118
三文魚，牛油果，青瓜，蔥花，檸檬，芝麻，配自製醬油
Salmon The Classic用個圓形大碗裝住，好豐富。首先三文魚粒好鮮美又滑溜，仲啖啖肉，份量唔少。牛油果片新鮮滑溜，加埋三文魚係豐富omega 3來源。青瓜片爽脆。飯底我加$3轉水耕沙律菜，好新鮮爽脆，呢款碗飯感覺輕盈唔膩。
呢餐好清爽健康，材料基本上都好新鮮，高蛋白高營養，上環返工健身減脂人仕可考慮。打卡都可以。呢度有木枱7張枱同7張高凳左右，繁忙時間應該要等位。
