影片
更多
2023-01-10
4479 瀏覽
人哋話香港有四大名雞😹，Louise就係其一。今次係聖誕期間淺嘗Festive Brunch Menu，價錢係$1088 p.p.。食物方面冇太大surprise，但服務上就有少少對唔起個價錢🥲-🎈Bread麵包係切片嘅sourdough，有麥香外脆內軟。比較特別嘅係牛油加咗唔少穀物類，食落更加有口感。推薦指數: 7.5/10-🎈Sharing Plates前菜以sharing形式上菜，即係三人就會提供一碟三件咁樣。-👉 Gillardeau Oyster呢一款法國生蠔都係比較常見，係屬於海水味重一點的。加上horseradish sauce 同魚子醬，口味整體來說比較清新鹹香。推薦指數: 7/10-👉 Spiced red wine poached duck foie gras有個小插曲就係因為我唔鍾意食鴨肝，特意問咗店員可唔可以轉做其他。店員話可以幫我哋要少啲鴨肝，其他嘢多啲。但最後上菜好似冇咗件事咁😅。-呢個係一道冷盤，鴨肝切片後放上少少乾果，配搭烤脆嘅多士一齊食。無疑乾果可以去到少少腥味，友人覺得不錯。推薦指數: 7/10-👉 Chestnuts and ceps cromes
人哋話香港有四大名雞😹，Louise就係其一。今次係聖誕期間淺嘗Festive Brunch Menu，價錢係$1088 p.p.。食物方面冇太大surprise，但服務上就有少少對唔起個價錢🥲
-
🎈Bread
麵包係切片嘅sourdough，有麥香外脆內軟。比較特別嘅係牛油加咗唔少穀物類，食落更加有口感。
推薦指數: 7.5/10
-
🎈Sharing Plates
前菜以sharing形式上菜，即係三人就會提供一碟三件咁樣。
-
👉 Gillardeau Oyster
呢一款法國生蠔都係比較常見，係屬於海水味重一點的。加上horseradish sauce 同魚子醬，口味整體來說比較清新鹹香。
推薦指數: 7/10
-
👉 Spiced red wine poached duck foie gras
有個小插曲就係因為我唔鍾意食鴨肝，特意問咗店員可唔可以轉做其他。店員話可以幫我哋要少啲鴨肝，其他嘢多啲。但最後上菜好似冇咗件事咁😅。
-
呢個係一道冷盤，鴨肝切片後放上少少乾果，配搭烤脆嘅多士一齊食。無疑乾果可以去到少少腥味，友人覺得不錯。
推薦指數: 7/10
-
👉 Chestnuts and ceps cromesquis
店員特意提醒呢件小點心需要小心輕取，雖然佢係炸但內裏完全係液體非常柔軟。一咬落去就係濃濃嘅龍蝦湯味道，特別又好吃。
推薦指數: 8.5/10
-
👉 Onake smoked trout tartar
煙三文魚他他配sour cream同小pancake，味道好清新。不過其實單食他他已經好夠味！
推薦指數: 8/10
-
👉 Laurent Berrurier winter vegetables salad
同其他小食一齊上嘅一碗沙律，可以話比其他嘢完全比下去。
推薦指數: 6.5/10
-
🎈Choice of Appetisers
呢個前菜就係每人揀一款。由於我哋三個人，所以就試到三款。
👉 Angel hair pasta (+$298)
除咗主角燒雞之外，angel hair喺呢度嘅另一個招牌。雖然係意粉，但一反傳統佢係一個冷盤，加上魚子醬、黑松露同昆布等名貴配料。所以係$1088/位嘅收費下，呢道菜仲要額外收錢。
對於呢一道招牌菜我係失望嘅。味道來說醋味偏重，再加上魚子醬後，味道係又酸又鹹。黑松露味道好香，但總覺得佢比醋味遮蓋咗。口感方面由於佢係冷盤，所以麵條比較硬身少少。對於我個人來講都係鍾意熱食軟滑嘅口感。
推薦指數: 7/10
-
👉 Smoked organic egg
本來會覺得蛋可以有幾特別，但係見咁多人推介就一試。結果覺得真係唔錯，泡泡下有棉滑嘅薯蓉。
推薦指數: 8/10
-
👉 Pan seared Normandy scallop (+$158)
一碟一粒的帶子，非常矜貴。味道係我鍾意嘅味道，醬汁creamy又清新。
推薦指數: 7.5/10
-
🎈Sharing Main
主菜同樣以sharing嘅形式上菜，叫燒雞的話係兩個人半隻。我哋三個人會提供一隻，所以感覺上好似抵咗咁😹
-
👉 Roasted Hong Kong yellow chicken
三黄雞係必試嘅item，基本上每枱都見到。店員會先拎原隻雞比你睇，再拎去切件，一份雞仲會包沙律、雞殼同一鍋雞油飯，可以話成隻雞物盡其用。
雞肉雖然皮脆肉嫩，但味道似乎就未達至預期。雞腿雞翼位置明顯比其他位置滑一點，整體來講不過不失。
另一焦點雞油飯拌入雞油、香蔥同香脆嘅雞片。味道係唔錯，雞味好香。
最後三個人食一隻雞大約食淨1/4，所以其實原本佢份量係剛剛好的。食唔哂可以叫店員幫手將淨低嘅雞同雞殼打包。
推薦指數: 7/10
-
🎈Louise pastry box
甜品環節儀式感十足，店員會拎上下兩層嘅甜品盒比你挑選你想食嘅甜品。上層係三款tart，下層有canelé同madeleine。
-
我哋remark咗同行有朋友生日，所以餐廳送咗三件madeleine比我哋。雖然tart大份啲感覺上抵啲，但我哋都覺得Madeleine比較好食。佢有淡淡橙香，甜度適中。
-
另外有個小插曲，店員會拎成個盒去我哋枱，再比我哋去選擇。可能個盒比較重，所以當我哋揀完，店員閂返埋個盒嘅時候「bang」咗一聲。我諗佢應該係唔小心，但佢又冇講唔好意思就走咗去😹。
-
🎀總括而言🎀
👉食物：唔差，但未達到預期水準
-
👉服務：可以話以米芝蓮餐廳嚟講比較差
1️⃣ 由一開始帶位，店員一路帶我去位一路自己㩒電話😅，真係第一次見
2️⃣ 因為我哋坐outdoor，個日天氣比較凍，叫咗幾次希望店員幫我哋開著個暖爐。等咗一段時間後被告知，原來佢哋冇gas。咁當然覺得呢個安排好差，而佢哋採取嘅措施係比杯暖水你😯。最後走嘅時候發現成間餐廳outdoor都冇開暖爐，唯獨outdoor reception開咗🤔
3️⃣ 仲有就係以上提到嘅小插曲
-
👉環境：室外環境比較chill（前提有開暖爐），開揚景觀望到PMQ嘅植物，一片綠油油好靚。室內就比較grand，相對上冇咁有特色但就坐得舒服啲～
推薦指數: 7/10
-
🎀其他小資訊🎀
👉訂位：online book 天氣適中request室外位置幾靚
👉信用卡優惠：🈚️
張貼
