部屋咖啡室

最近，café食物抵唔抵引起咗好多人討論。其他café唔敢包，但係呢間部屋咖啡室嘅食物就絕對係抵食之選! 已經係第二次嚟食！Café裝修簡潔闊落，亦有好多種類嘅board game提供比客人玩，啱哂三五知己一齊聚會同食飯。♟🕹🃏 而且佢嘅佈置都好得意☺️ 有好多可愛的minions~~~~ 今次我同朋友叫咗個二人套餐，包一款小食，一份飯或意粉同一個pizza。我哋就揀咗炸蟹餅，辣虎蝦意粉以及夏威夷pizza。呢度所有食物都係即叫即整，所以所有菜上到嚟都係熱辣辣，炸蟹餅非常香脆，而且仲好彈牙，配上酸辣醬，實在係非常惹味。另外，炸蟹餅上菜時會有吸油紙墊底，就算係怕油膩嘅人都可以放心點呢度菜食! 而辣虎蝦意粉🍝嘅主菜—虎蝦同其他海鮮分量都十足，蝦肉咬落爽口彈牙，味道吸引~而夏威夷pizza批底亦非常香脆，芝士味亦夠濃，再配上菠蘿🍍，實在係非常開胃! 值得一再回味! （無錯！我是Pizza點可以無菠蘿🍍嘅一份子🤣）