於是我哋一到週末就帶埋2 隻狗狗去科學園O既Tom Bar & Grill用餐, 貪佢哋戶外位望住海, 好舒服。
1
LUNCH MENU 會轉的。
香煎石斑魚配青胡椒汁配意粉 - 第一次食青胡椒汁, CREAM CREAM 地但有粒粒胡椒碎, 好得意! 用黎配意粉, 唔會好膩。石斑塊有2 大塊, 肉質係實O既, 不錯!
香煎龍利柳配檸檬牛油汁 - 因為牛油汁O既關係, 放耐咗油係會分離O既, 除咗賣相冇咁靚, 係冇影響味道O既! 龍利柳有2 大塊, 呢個普普通通. 下次可以試其他。
瑞士汁乾炒牛河 - 呢個有D 驚喜, 唔太油, 好味! 牛肉都入味! 可以一試呀!
戶外位環境幾好, 不過就比較難D 叫職員, 大部份都係要行去餐廳門口先搵到佢哋。
另外, 戶外位地下有D 污糟, 可以再清潔一下。
