Oyster Princess (已結業)

今日同朋友喺杏花村度搵嘢食，見到杏花村商場地下開咗一間新餐廳，見到餐廳有串燒，壽司，生蠔等等於是入去試下。入邊位置唔算好多，係一間日式小店，但位置坐得舒適。坐低咗之後，我哋叫咗個小牛排烏冬鍋，鹽燒牛脷心，燒雞軟骨，加拿大海膽軍艦，燒黑豚腸。過咗一陣，小牛牌烏冬鍋首先送上，個鍋好大，入邊有隻窩蛋，牛肉片，唔同嘅蔬菜，金菇，蘑菇，個湯味道幾鮮甜，同啲烏冬味道好夾。之後係鹽燒牛脷心，燒雞軟骨，牛脷心好大塊，厚切，好有咬感，燒得好香。燒雞軟骨都燒得好香。之後係加拿大海膽軍艦，燒黑豚腸。加拿大海膽軍艦好新鮮。