一期一會日本料理 (已結業)

同事告知附近開左間新既日本餐廳，梗係要黎試下喇！三文魚刺身＆三文魚壽司：切得厚身，雖然色澤有ｄ暗，好似唔太新鮮既感覺，但食落口都好有口感，都算甜既．清酒煮大蜆：美中不足有少少沙，湯底清甜,兩公婆飲晒成鍋湯，唔錯．大蝦天婦羅：五隻大蝦，爽甜啊．蒜茸燒帆立貝，燒到好香，ishi ．軟殼蟹手卷：紫菜好脆口，好多新鮮既蟹子同軟殼蟹一齊食落口，多麼的幸福喱．