Sum Sum Dessert

營業中

休息中

依間甜品店其實聽過好多次，仲有唔少傳媒介紹過，所以一直想試好耐，但係又一直冇機會。今次難得有朋友買嚟請我同其他朋友食，終於俾我有機會試到佢la。今次朋友買嚟嘅唔係佢最出名嘅係麥提莎糯米糍，而係新推出嘅芝士杯。佢買咗3隻味，分別係紅桑苺、芒果同oreo味，3款嘅賣相都好吸引。我平時鐘意食水果味嘅甜品多d，所以我就簡咗紅桑苺。佢面頭果層jam睇得出好足料，有好多紅桑苺嘅果肉同果核起度。食落唔會太甜，酸酸甜甜咁，加埋下面嘅芝士食，完全唔會有膩嘅感覺。雖然紅桑苺味已經好好食，但係試完oreo味之後，我個心完全俾oreo味俘虜咗。佢oreo嘅 餅乾碎同芝士嘅比例啱啱好，雖然比紅桑苺味甜，但係唔會膩，反而會令你想keep住食。