龍亭

最近佐敦開咗間新嘅鐵板燒店，喺街頭嘅轉角位置，門面以深綠色作為主調，內裡走型格路線，需要按門鐘等候侍應出嚟招待！平日晚餐都幾full，建議要預先book位😛 整體價錢都算親民化，適合情侶/閨蜜前往欣賞同品嚐到廚師嘅手藝呀～ 入門omakase包括沙律、兩款鐵板海鮮、一款鐵板肉類、炒飯同是日甜點～ 季節就有埋前菜同味噌湯，可以按個人喜好揀選套餐😎 沙律有齊新鮮菜、車厘茄、龍珠果等配料，搭配黑醋汁感覺更加開胃🥗 前菜係香濃幼滑嘅溫泉蛋，擺盤精緻，上面仲有魚子醬，幫助增添鮮味🥚 海鮮有六款選擇，鮑魚鮮甜美味，肉質彈牙，加埋面頭炒香咗嘅蒜蓉令到整體味道更加惹味🔥 元貝大大粒，香氣四溢，牛油味夠重但同時唔會蓋過本身嘅味道，值得一讚👍🏻 東星斑外脆內軟，入口即化，滋味無窮～ 個人就最推白鱔，香脆可口，內裡帶點Q彈，魚肉嫩滑，啖啖肉，而且碟上有竹炭鹽同蝶豆花泡沫調味，感覺都幾得意😙肉類要咗牛同豬，牛柳煎至七成熟，味道濃郁，完全唔韌，搭配蒜片同芥末都幾match～豬扒反而幾有驚喜，肥瘦適中，肉質嫩滑，點埋菠蘿醬同蒜蓉牛油醬就perfect了😌 昆布豆腐麵豉湯鹹度啱啱好，豆腐完美地呈獻咗廚師嘅刀工，厲害