影片
更多
2018-01-03
259 瀏覽
實在太多野食我簡幾樣野寫啦.好一個茶碗蒸一開始為大家暖暖胃.上面用左金箔同黑松露蓋面聞既時候黑松露既味道唔算好濃烈食落口先係戲肉黑松露既味道由口腔衝上鼻腔然後滑溜溜既蒸蛋係你口入面滾動當條脷想捉佢既時候佢又會即刻消失係你口腔之中滑落喉嚨來一場捉迷藏.食到底會有幾粒乾榣柱好多時榣柱係蒸完之後都會變得淡味但尼個每食一啖榣柱D汁就會由榣柱中溢出來為本身淡淡既蒸蛋注入榣柱既鮮甜味😋😋.白子鱈魚既精巢聽聞有美顏作用.美唔美顏我就唔知啦食落去有d似食鵝肝既質地入口綿密幼滑本身白子就冇咩味食得多都會膩但佢加左d醫汁同配料落去中和左白子滑膩既感覺原理同鵝肝配法式蘋果醋一樣好夾呀🤔.人一世物一世 乜都要試下既不過適可而止啦膽固醇好高架.鰤魚睇到佢紅卜卜 係燈光下簡直就似怕羞既妹子想一啖食左佢落肚.師傅先將一面切成網狀再經火炙入口既時候肥美 鮮甜咬落去有少少爽 感覺唔油膩當我仲諗緊佢到底有無火灸既時候火炙果種焦脆既味道湧上頭頂好好味呀🐷🐷🐷.嘩 午餐肉呀個師傅玩完我地一輪先話比我地知尼個叫鮟鱇魚肝.口感唔及鵝肝滑帶有少少魚腥味個人唔識欣賞.係我帆立貝排行榜入面佢都算第一位.出面d帆立貝一經油炸就完全走晒樣
我簡幾樣野寫啦
.
好一個茶碗蒸
一開始為大家暖暖胃
.
上面用左金箔同黑松露蓋面
聞既時候黑松露既味道唔算好濃烈
食落口先係戲肉
黑松露既味道由口腔衝上鼻腔
然後滑溜溜既蒸蛋係你口入面滾動
當條脷想捉佢既時候
佢又會即刻消失係你口腔之中
滑落喉嚨
來一場捉迷藏
.
食到底會有幾粒乾榣柱
好多時榣柱係蒸完之後
都會變得淡味
但尼個每食一啖榣柱
D汁就會由榣柱中溢出來
為本身淡淡既蒸蛋注入榣柱既鮮甜味😋😋
.
白子
鱈魚既精巢
聽聞有美顏作用
.
美唔美顏我就唔知啦
食落去有d似食鵝肝既質地
入口綿密幼滑
本身白子就冇咩味
食得多都會膩
但佢加左d醫汁同配料落去
中和左白子滑膩既感覺
原理同鵝肝配法式蘋果醋一樣
好夾呀🤔
.
人一世物一世 乜都要試下既
不過適可而止啦
膽固醇好高架
.
鰤魚
睇到佢紅卜卜
係燈光下簡直就似怕羞既妹子
想一啖食左佢落肚
.
師傅先將一面切成網狀
再經火炙
入口既時候肥美 鮮甜
咬落去有少少爽 感覺唔油膩
當我仲諗緊佢到底有無火灸既時候
火炙果種焦脆既味道湧上頭頂
好好味呀🐷🐷🐷
.
嘩 午餐肉呀
個師傅玩完我地一輪先話比我地知尼個叫鮟鱇魚肝
.
口感唔及鵝肝滑
帶有少少魚腥味
個人唔識欣賞
.
係我帆立貝排行榜入面
佢都算第一位
.
出面d帆立貝一經油炸就完全走晒樣
但尼個外脆 內仍保留帆立貝既鮮甜同肉汁
帆立貝用左天婦羅既手法
再用紫菜包住食
平時紫菜最吸油
但尼塊紫菜上唔見任何油脂
咬落口唔會成口粉
只感覺到帆立貝同紫菜 天婦羅只係作畫龍點睛既作用
令到帆立貝有少少脆 再加上天婦羅既香味
.
尼個帆立貝唔止大 仲要好新鮮
點樣睇佢新唔新鮮呢
師傅教落 咬開後 見到帆立貝一條條絲就岩架啦
.
去鮨文有200%都係為左尼個雲丹盛滿
食落口creamy 非常甜
果種程度係未食到一半 已經甜到膩
仲要海膽同飯既比例去到1比1
係幾誇張既
.
東松島真蠔
.
見到佢 成個手咁大
師傅教落 要一野吸晒落口
一開始feel到醬油既咸味 續而柚子味都出埋黎
慢慢地開始feel到海水味 咬落去 蠔既甜味湧晒出黎
成口蠔既感覺 非常creamy .
.仲有其他壽司我就唔詳介紹啦
Omakase $1450+10%
（價格及餐牌會隨材料供應而改變）
張貼
