近又吉列黑豚專賣店 (已結業)

又是假期，就趁這聖誕氣氛還沒過的日子下，跟男朋友出去行街街，我地出左去旺角，見有少少餓咁我就提意食左野先啦我鐘意食日本野，不過響旺角的話來來去去唔係壽司就打邊爐，冇D新意...咁男友就提意不如行下朗豪坊啦，我地就搭LIFE上去幾層睇睇，行左幾層，都冇咩心水野食....行行下見到有間新開吉列，好!!!就入去試下啦!!地方環境唔錯，裝修好日本FEEL，一坐低，WAITER好有禮貌咁同我地講話一定每檯最少叫一客定食，咁我心諗都冇咩所謂啦~反正都係試下新野，就叫左一客黑豚定食，仲要有口味選擇!?本小姐最鍾意食芝士啦，好啦!!就要芝士，HEHE!!因為都係諗著試下...所以唔敢叫太多野..都係等個定食黎左先啦...等左一陣....野食到啦我二話不說就拿起對筷子夾塊食下先!!夾起已睇到好多肉汁，芝士味好香..咬落好香口!!正!!正!!食左之後覺得唔差，諗著問下佢地仲有咩好介紹，有個著西裝、打呔(擬似經理或老闆的物體...)的人行過，叫佢冇反應，又口黑面黑，難道佢覺得我地叫得少野唔高興!?之後有個冇打呔著西裝既以好快速度行埋黎問 : 唔好意思，請問有咩幫到你?有冇攪錯!!!?叫下你唔使唔應下嘛...