影片
更多
2023-11-23
264 瀏覽
走去食lunchset，座位舒服人又少，地方乾淨企理。二人套餐大概$298、鴛鴦湯底揀香菇同埋蕃茄牛尾湯。驚喜位就係有自助台式肉燥飯，但係飯只係蒸到剛剛好，相信長者嚟食應該會覺得啲米偏硬。醬汁豉油、醋、麻油、辣椒、芫荽、蔥、蒜蓉有齊，另外有沙茶醬、香姑醬、XO醬同埋北方人最喜歡食嘅麻醬。另外驚喜嘅係啲牛肉同豬肉並無因為係套餐而俾啲好求其嘅質素，淥熟後再食嘅口感都係滑嘅同埋有肉味。餐廳接近後半部會拎一杯雜果賓治味道嘅沙冰，我哋以為個杯已經係甜品，仲覺得佢趕客先咁做，原來佢哋再拎出大紅袍柑仔果凍，先至知道沙冰係攞嚟清味蕾。埋單$369，算係咁啦。
二人套餐大概$298、鴛鴦湯底揀香菇同埋蕃茄牛尾湯。
驚喜位就係有自助台式肉燥飯，但係飯只係蒸到剛剛好，相信長者嚟食應該會覺得啲米偏硬。
醬汁豉油、醋、麻油、辣椒、芫荽、蔥、蒜蓉有齊，另外有沙茶醬、香姑醬、XO醬同埋北方人最喜歡食嘅麻醬。
另外驚喜嘅係啲牛肉同豬肉並無因為係套餐而俾啲好求其嘅質素，淥熟後再食嘅口感都係滑嘅同埋有肉味。
餐廳接近後半部會拎一杯雜果賓治味道嘅沙冰，我哋以為個杯已經係甜品，仲覺得佢趕客先咁做，原來佢哋再拎出大紅袍柑仔果凍，先至知道沙冰係攞嚟清味蕾。
埋單$369，算係咁啦。
張貼