公主 (已結業)

剛開業時已留意到呢度D野食好精緻。地點之前係一間好好味既日本pancake店。如今只留下一樣的裝修，餐碟，店員既服裝都改成公主風，好多花。門外有甜品櫃自家製曲奇有多種口味，店員俾左DD我地試，公主嘴仔細，所以曲奇係細細粒。印象最深係冬陰公味，味道好似。未點野食前有餐包，微暖，點黑醋最好味。燒牛油菜配牛油果,煙肉沙律賣相好似好藝術，條菜望落好乾，入口無乜味。依家寫食評先發覺原來人地有牛油果。香煎鴨蛋配西班牙火腿，黑毛血豬腸鴨蛋味道同雞蛋無乜分別，食完淡某某既前菜，再食西班牙火腿好有衝擊感，咸味恰到好處。是日餐湯係西蘭花湯綠色既湯令食慾大減，西蘭花味道本身很清淡，所以只飲得出cream味慢煮黑毛豬柳燒菠蘿早排食過份子料理，慢煮既肉真係好滑好嫩。而呢度既慢煮豬肉係8,9成熟，肉質粉紅色。口感比我想像中失色，唔夠滑，但又未至於硬。燒菠蘿好味。是日甜品係黃桃雪葩賣相同第一道菜好似，中間既餅乾好脆，黃桃雪葩十分清淡。店員每道菜都細心講解，但上菜時間實在太慢，由7點食到9點。每次收碟時見到我地食剩都問係咪唔好食實在有點壓力。總結味道同價錢唔成正比，味道無特色，例如西蘭花湯太creamy，完全無西蘭花