更多
2008-01-25
25 瀏覽
昨晚舊同事請食飯,大家就屈咗佢請去Chesa試食,我同另一位同事早到,第一個坐低等其他人,比較年長的經理招呼我倆,問我地飲d咩,便說要杯熱水先,經理見我大肚,好主動拉開張枱等比較容易入去坐梳化位,但就無其他酒店咁細心問我需唔需要cushion,可能因為梳化上都有cushion啦!不過佢有幫我同同事掛好d外套.Chesa裝修好一般,可能係home fell啩!不過我都係鐘意嗰d好多水晶燈的法國餐廳!這裏好似同事終於到齊,經理再次出現問大家想飲d咩,大家七嘴八舌都無話知想飲咩,哈哈!問經理有咩好介紹,佢就講咗好多,最後我地自己選咗d"招牌菜".7個人6個叫咗鵝肝($230一位):hm.... 今個星期第二次食煎鵝肝,Chesa的份量好細,得一片,但煎得好幹身,睇唔到有油,配的唔係酸酸的梨而係炒雜菌.我雖然鐘意食菌類,但配鵝肝比較不舒合,鵝肝唔似其他人講咁入口即溶,我覺得太實,有d失望,比較下Conrad Brasserie on the Eighth 好好多,浪費咗個Quota.有位同事怕膽固醇,所以叫咗蟹肉pancake:睇落去份量都好細,但佢話好好味喎!主菜我地點咗5款share:1.
Chesa裝修好一般,可能係home fell啩!不過我都係鐘意嗰d好多水晶燈的法國餐廳!這裏好似
同事終於到齊,經理再次出現問大家想飲d咩,大家七嘴八舌都無話知想飲咩,哈哈!問經理有咩好介紹,佢就講咗好多,最後我地自己選咗d"招牌菜".
7個人6個叫咗鵝肝($230一位):hm.... 今個星期第二次食煎鵝肝,Chesa的份量好細,得一片,但煎得好幹身,睇唔到有油,配的唔係酸酸的梨而係炒雜菌.我雖然鐘意食菌類,但配鵝肝比較不舒合,鵝肝唔似其他人講咁入口即溶,我覺得太實,有d失望,比較下Conrad Brasserie on the Eighth 好好多,浪費咗個Quota.
有位同事怕膽固醇,所以叫咗蟹肉pancake:睇落去份量都好細,但佢話好好味喎!
主菜我地點咗5款share:
1.紅酒牛尾: 一定要試,好淋,好入味,三大舊,份量ok.有碟薯蓉(唔知係唔係跟牛尾的?),但好滑好好味!
2. 燒羊鞍:自動幫我地分開咗四小份,份量不多,汁太濃無咩特別,可能因為叫咗7成熟,但其實好熟,不過都好淋.伴碟的蕃茄好味,但菠菜好咸!
3. 牛仔排:好嫰,不過個汁同牛尾或羊鞍個汁唔知有何分別,點解我成晚食到d汁有苦味??
4. 豬肉腸配煎薯餅:我覺得個腸好好味,無羶味,個薯餅好香,又唔係好油.完來Chesa出名食薯蓉同煎薯餅??哈哈!
5.南瓜銀雪魚意大利飯:好失望的一碟!南瓜唔甜,銀雪魚唔滑,意大利飯少得可憐,d米好貴咩?
最後叫咗3個甜品share:
1.巨型薑味souffle:真係几好,薑汁好濃,不過今個星期食咗兩次souffle,所以已覺無咩特別.
2.朱古力屋仔:外面係Lindt thin chocolate,入面係cream 同雪糕,ok 啦!我唔知點解唔覺得好特別,間屋未食前就几得意,但食落就只係"甜品一個".
3.menu上的名好長,但我簡稱之為朱古力心太軟,最甜的一個甜品,我食咗一嗒几好味.
7個人叫咗7杯non-alcohol cocktail(平均$80-$90),但好似comments 都唔係太好,我飲的係fruity mix,好香蕉味吔!不但都唔refreshing!!!我同事叫的winter punch原來係熱的,佢話都ok!
想講一吓這裏比較年長的經理,佢好做作,叫佢介紹食物佢隨口數到几樣几pro,但聽到隔離枱個女仔問佢边樣好食,佢好似在大排檔咁答,樣樣都好食,如果話你知唔好食我地就唔會放上menu.仲有當我地叫餸的時候,佢response得太煩,我地每叫一樣,佢都會話"係",好大聲咁添,但好煩!我比較喜歡其他的侍應,真係好有禮貌.仲有阿經理到最後只係將我的外套攞出黎放咗在隔離枱,原全無將外套交給我,這點唔夠週到.
埋單$48XX,貴吔,不過我地誌在大家gathering開心吓,下次去半島的其他餐廳好d.多謝Phoebe老板!
張貼