影片
更多
2016-05-03
2681 瀏覽
一行 15 人 gathering，要搵間可以坐得晒我地咁多人又可以一齊傾到計既地方除左酒樓，都諗唔到有咩其他地方，因為好多都要長枱咁坐。朋友食過另一間翠園話幾好，於是今次幫襯將軍澳呢間！今次我地散叫，但全部都係好細碟，最離譜係碟炒雜菜，完全同白烚無分別，連蒜頭或薑都無舊，仲要得三幾條菜心，幾件翠玉瓜同幾條蜜糖豆就叫做一碟，去茶記食碟油菜都仲多過佢呢碟！個碟咕嚕肉又係得三幾舊肉，大部份都係啲三色蕉同菠蘿，唯一可取既係佢俾新鮮菠蘿你而唔係罐頭個種！由於啲份量實在太細，所以並未有每碟都食到.... 人多的 gathering 真係唔好揀呢到. 除非你每款叫 double.
題外話/補充資料：
補充：好耐都無試過食得咁唔開心，星期六晚食飯，要分兩個時段出面好多食肆都會，但呢間係會不停催你不停趕你走，啲侍應不停係你面前收嘢，不停問你嘢食齊味，不停叫你飲湯，之後又不停催你埋單，又不停催你走！成圍人有 5-6 個小朋友係到，食嘢快極真係有個限度，出面好多食肆都會有半個鐘走盞，下一輪 8:30 先開始，但佢地連 15 分鐘都唔肯俾人，完全係你咪阻住我做生意嘅態度！
呢啲咁嘅食肆真係 no next time! :huffy: :huffy: :huffy:
(以上食評乃用戶個人意見 , 並不代表OpenRice之觀點。)
張貼