青藏牛肉麵 (已結業)

哩間麵店朋友帶我食過一次，一試愛上。不過甚少去北角，所以之後都冇機會再食。難得今曰同朋友去開北角，當然要食多次。哩到碗青藏牛肉麵超級好食。特別係個湯底清清甜甜，有芫茜味，麵質軟硬度適中，肥牛夠淋，有香濃既牛味。食多碗都仲得。小食都唔錯，唔貴。燒串大大支，都係十幾蚊一串。味道評分絕對係中上。辣粉香料超夾超惹味。茄子就燒到好淋，多水份，加上份量超級多既蒜蓉，令到茄子非常入味，好食。不過味道較濃，食完會好口渴。