79
38
14
港鐵北角站 B4 出口, 步行約3分鐘; 書局街入 繼續閱讀
所有分店 (1)
電話號碼
21510506
營業時間
今日營業
12:00-15:00
18:00-22:00
星期一至日
12:00-15:00
18:00-22:00
付款方式
現金
其他資料
Wi-Fi
酒精飲品
外賣服務
加一服務費
室外座位
食評 (138)
地道風味牛肉麵 焦點食評
等級6 2017-03-09
2730 瀏覽
周末出街食飯,通常離不開銅鑼灣尖沙咀,今日找找新意思,走去甚少出沒的地區睇吓有什麼好嘢食,在沒有任何計劃之下搭地鐵去了北角站出閘。本來想去米之蓮推介車胎人美食的一間星馬菜餐廳,但這些性格小店總喜歡在星期日休息。唯有轉移陣地,唔打唔撞下改去同一條小巷的「青藏牛肉麵」,小店門面裝修與中國內地經常見到的小館非常相似。店內的陳設佈局及簡陋裝修,與中國內地的小館也如出一轍,只不過枱櫈較為光鮮一點點;總之與港式茶餐廳、粥粉麵店或街坊小菜館是兩種完全不同的裝修風格。尤其那個採用玻璃分隔的廚房,看見了內裏非常簡陋的煮食設備,更與內地的小餐廳或北方拉麵小館一模一樣。餐廳標榜正宗青海西藏口味麵條,牆上也掛了一幅市民大眾正在地方小店吃麵的照片,再加上一幅吃拉麵冷知識的説明;差點以為身處內地。要了兩客自選午餐(牛 $45 / 羊 $48)及酥炸雞排飯($44)。自選午餐包括小食、一碗麵及飲品,很抵吃。酥炸雞排飯($44)大大塊急凍雞扒,不會期望有任何鮮雞味,最緊要肉質軟腍、大大件,一定食得飽。所有急凍雞扒一定採用香煎或者油炸的烹調方法,取其味濃或者香口,以掩蓋急凍肉類所欠缺的鮮味。這件酥炸雞排炸得夠香口,又加了少少乾辣椒去提升味道兼且配合青藏菜式口味偏濃或微辣的特色;廚師也有心地切走了急凍雞扒多餘的雞皮下脂肪,雞皮特别香脆。這碟飯比較同樣價位的茶餐廳好食很多,如果白飯底可以加錢改為蛋炒飯就更加美妙。小食煙鴨胸及香酥腐皮卷味道正常,合格。香酥腐皮卷略嫌太多層腐皮,炸得不夠透徹,內層不夠鬆化,最外層也有點炸燶了。食青藏、新疆地方菜式,又怎可缺少羊肉,烤羊肉串就更加是必吃小食,額外叫了一支孜然羊肉串($16)。賣相唔得、羊肉串唔夠熱,可能午飯時段唔係好多人食,所以並非即烤而是翻熱, 缺少了熱辣辣的香氣。羊味唔夠,肉質唔軟、有啲粗糙;雖然已經見到不少孜然粉在羊肉串表面,但不夠香、也缺少了微微辛辣刺激,與在中國內地小店吃過4的孜然羊肉串差很遠。青藏牛肉扁麵($45)送上來之後,撲鼻而來的是一股非常重的生蒜味。跟隨牆壁上掛畫說明的食麵方程式,先喝一口湯。湯底的味道並不濃香,既沒有牛味、也沒有羊味,還相當鹹,而且下了份量不少的味精,只喝兩口已經覺得非常口渴。跟着用筷子將配料及麵條攪勻,將一大箸麵條放入口中;原來配料有相當多生蒜茸,整箸麵條黏滿蒜茸。雖然沒有鹼水味,但蒜味非常利害;麵質非常軟腍,完全沒有Q彈質感,是典型的中國北方拉麵。之後再用湯匙喝一口湯,原來將配料拌勻之後,生蒜味非常重,原本已經非常清淡的湯底味道更加被完全掩蓋。牛肉灼得時間過久,變成全熟,肉質因此也很粗糙、不夠軟滑。反而那兩小塊作為配菜的白蘿蔔卻相當清甜,是整碗牛肉麵最好食的環節。青藏羊肉拉麵($48)。麵質與扁麵一樣,只是麵條粗幼不同;以為湯底會與牛肉麵有少少不同,結果都是同一種湯底。羊肉片切得很薄,但較牛肉片細塊;拉麵送上來的時候隨着熱氣散發一陣非常羶的味道,食落口又沒有那麼嚴重。小店以青藏口味拉麵為主打,出品也是地道庶民日常主食,價錢又的確夠便宜,本來可以在芸芸小店中殺出一條血路;但無論羊肉串及拉麵的味道不見得突出,甚至乎可以說做不到青藏口味的特色,只有其形但欠其實。比較同區附近的餐廳小店,如果唔係因為夠便宜,實在很難吸引客人再來光顧第二趟,俾佢OK臉也純粹因為價錢平、實在非常非常抵吃;要進一步提升吸引力,有必要改善出品質素。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-17
2 瀏覽
青藏牛肉麵 - 永無失準,好味嘅麵店!lunch time經常排住十幾廿人,lunch亦有餐叫,晚餐就只有單點,但晚上都經常滿座。師傅蒜香撈麵(牛/羊)配青藏牛骨湯小碗  - 酸酸甜甜辣辣哋,好香蒜味,幾惹味,好啱夏天食,可惜牛肉有點韌。青藏羊肉扁麵 ﹐平時怕羶唔食羊肉都唔怕,呢度d羊唔會羶,湯底都好味,呢個價錢絕對抵食!涼拌青瓜  - 好大碟,不過唔夠辣 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-27
134 瀏覽
約左朋友在北角食晚飯 揀了這條陌生的街奉勸各位 要跟指示行 唔好靠睇地圖 再另一邊街口入不然就要上斜路兜個圈再落返樓梯去到餐廳個邊 落緊樓梯已經聞到好香的孜然味 望左兩望覺得這家最好 本身入面都坐到8成 我們入到去坐低無耐 8點幾出面突然排緊隊這樣應該無揀錯了餐牌簡單 點左一人一碗麵 加個串燒set 一份係牛肉拉麵 薄片牛肉 tender唔酥一份係雞絲扁麵 其實係雞排 裡面還有白蘿蔔感覺上兩種麵 無咩分別串燒 有5款指定 脆皮腸 墨魚丸 翠玉瓜 牛肉 和雞肉唔夠味 有味粉提供自己叫大部分人食完就要走 唔坐得耐 我們食得慢算坐得耐食完出來身上都無咩味 感覺良好 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-27
618 瀏覽
是夜隨機喺網上搜尋附近有咩推介小店,而一向鐘意食牛肉麵嘅版主好自然俾「青藏牛肉麵」呢幾隻字吸引咗,見評分又唔差,即管嚟到錦屏街呢條北角嘅隱藏小巷試一試。未去過青藏,唔知何謂「青藏高原」風味,不過一入門的確傳嚟陣陣孜然嘅香氣,可能就係所謂高原嘅味道。睇睇餐牌,猶豫之下想叫價錢貴啲嘅羊肉扁麵 - 可惜唔知係咪夜已深,要乜無乜 🙉唯有叫返牛肉拉麵先試試佢。一上枱,好似唔駛錢咁多嘅芫茜䓤呈現眼前,對於鐘食多青嘅我自不然覺得正。其中一樣出色嘅係,湯嘅熱度真係滿分,直至食完成碗都仍然係熱度十足。湯頭似一般牛骨湯味,尚算青甜,而中間仲夾雜小小羊肉羶味,相信唔食羊嘅都可以接受,但鐘羊嘅難免覺得唔夠喉!牛肉份量算多,食就一定食得飽,不過肉味自然都係一般,加上熱湯嘅關係,唔駛一陣牛肉就變得過熟而有𡁻頭。拉麵掛湯還可以,只係麵質軟淋,完全無爽口彈牙嘅感覺,可以話係扣最大分數。好彩,蘿蔔又救返碗麵少少。其實未煮得入味,好彩本身蘿蔔夠甜,亦煮得夠淋身,又加返少少分。$39 食碗麵,又無太大追求,個人覺得食吓無妨。有人話店完態度差,的確係無乜禮貌,不過街坊生意,食客又似係習以為常,所以都無謂過份追求喇👍🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2017-07-17
601 瀏覽
食lunch去呢間嘢,出面落住雨,但個女人話一定要人齊先入得,一分鐘之後到都話唔入得,ok,一分鐘後入到去,大把空枱。食物都唔算平,一碗羊肉面,兩粒迷你小食加飲品收48,食完唔洗20分鐘,阿姐收碗收得好快,我都諗住等埋朋友飲埋杯嘢就行,點知佢轉頭掉張單落枱面,同我地好無禮貌講:「快啲埋單,出面好多人等緊。」,望一望出面得一個人等緊,其實我黎俾錢食嘢係唔係欠咗你,我朋友杯嘢飲左五份一都冇,我即時着火,大聲同個女人講:「未飲完嘢喎,我坐左20分鐘都冇。」個女人唔敢出聲,收銀機另一個女人都唔出聲,我覺得根本佢哋就係咁成日趕啲客,係啲客好人唔出聲,出聲嗰啲佢地就唔理,欺善怕惡,已經叫晒我公司所有同事唔好去呢間嘢,亦都奉勸你地唔好去。 繼續閱讀
(以上食評乃用戶個人意見 , 並不代表OpenRice之觀點。)