影片
更多
2016-10-10
2486 瀏覽
銅鑼灣好多餐廳都滿座或要排長龍，可能係新開無耐嘅關係，澳門逸園中心嘅New York Diner就無乜人，不過坐低無耐都有六、七成滿。裝修係比較摩登嘅感覺。我覺得呢個高身檯係整間餐廳中最有特色嘅，天花板上仲掛咗倒轉嘅樓宇模型。呢度嘅美國菜以漢堡包同扒類等偏向多肉類嘅菜式為主，我哋最後叫咗$428（未計加一）嘅二人晚餐嚟試試。是日餐湯係雜菌忌廉湯，質感非常濃稠，雜菌碎比例唔多，不過都夠味。脆炸魷魚圈，就咁睇餐牌以為純粹只有魷魚圈，實際仲有魷魚鬚。表層炸漿唔平均，不過魷魚肉彈牙。另外兩種醬，白色嗰款幾酸香討好。太平洋海鮮薄餅，配料有蝦肉、墨魚仔、魷魚圈、青口、雜菌、車厘茄同豆苗，芝士適中，菇菌味較濃，番茄醬味似被完全蓋過。批底方面就較鬆，我哋比較偏好薄身脆口嗰種質感。紐約客烤肉眼扒，我哋揀咗五成熟。肉眼扒厚身，外層焦脆度唔強，本身調味唔算濃，但肉質鬆化，可以點少少燒汁嚟食。底下就有意大利青黃瓜（西式版翠玉瓜）、烤番茄同炸薯角配茄汁，食得太多肉類，絕對需要蔬菜嚟中和一下。海洋梳打，嗰兩條鯨魚（其實係軟糖）似晌海洋暢泳緊咁，非常吸睛。入面仲有鮮藍莓、檸檬片同椰果，係偏甜嘅梳打特飲嚟。草莓柚子沙
銅鑼灣好多餐廳都滿座或要排長龍，可能係新開無耐嘅關係，澳門逸園中心嘅New York Diner就無乜人，不過坐低無耐都有六、七成滿。
裝修係比較摩登嘅感覺。
我覺得呢個高身檯係整間餐廳中最有特色嘅，天花板上仲掛咗倒轉嘅樓宇模型。
呢度嘅美國菜以漢堡包同扒類等偏向多肉類嘅菜式為主，我哋最後叫咗$428（未計加一）嘅二人晚餐嚟試試。
是日餐湯係雜菌忌廉湯，質感非常濃稠，雜菌碎比例唔多，不過都夠味。
脆炸魷魚圈，就咁睇餐牌以為純粹只有魷魚圈，實際仲有魷魚鬚。表層炸漿唔平均，不過魷魚肉彈牙。另外兩種醬，白色嗰款幾酸香討好。
太平洋海鮮薄餅，配料有蝦肉、墨魚仔、魷魚圈、青口、雜菌、車厘茄同豆苗，芝士適中，菇菌味較濃，番茄醬味似被完全蓋過。批底方面就較鬆，我哋比較偏好薄身脆口嗰種質感。
紐約客烤肉眼扒，我哋揀咗五成熟。肉眼扒厚身，外層焦脆度唔強，本身調味唔算濃，但肉質鬆化，可以點少少燒汁嚟食。底下就有意大利青黃瓜（西式版翠玉瓜）、烤番茄同炸薯角配茄汁，食得太多肉類，絕對需要蔬菜嚟中和一下。
海洋梳打，嗰兩條鯨魚（其實係軟糖）似晌海洋暢泳緊咁，非常吸睛。入面仲有鮮藍莓、檸檬片同椰果，係偏甜嘅梳打特飲嚟。
草莓柚子沙冰
23 瀏覽
0 讚好
0 留言
是日甜品。餐廳嘅食物份量適中，多數以肉類為主，配菜嘅薯角佔隻碟一半，滿滿嘅澱粉質，食完其實幾飽。
張貼
