37
5
1
港鐵銅鑼灣站 D2 出口
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
食家推介
去銅鑼灣又多一個新食點 唔洗去到北角荃灣咁遠都食到海洋梳打 Ocean Seltzer! MFD最愛的ocean blue 仲有海豚係上面暢泳so cute cute美國招牌啤酒燒雞黎到既時候真係嘩左出黎成隻燒雞同成枝啤酒咁上 俾我地影完之後再幫我地切開燒雞食落去真係有啤酒既味道但又唔會太濃 搶左雞既味道 燒雞仲好嫩滑添
繼續閱讀
烤肉眼排配香脆薯角 $228 座位舒適，服務也很好， Set Lunch 由$68至$228也有選擇，新開張期間送餐湯，沙律和飲品。那天餐湯是煙肉薯仔湯，薯味濃郁！朋友點了烤肉眼排，薯角香脆，烤蕃茄juicy，自家醬汁開胃，不過牛排味道普通，較韌，建議點別的菜。聽說最好吃是漢堡，可以試試。 鮮蝦蒜片欖油意粉 $68 蝦不夠爽口，意粉很油膩，炒洋葱很燶，整體味道很淡。Set lunch 還有很多選擇，不推薦這款。水果茶 $48 茶味香甜，水果種類豐富，包括菠蘿，士多啤梨，火龍果，藍莓等等。茶壺放在小蠟燭上，保持茶的熱度，特製透明的茶座是心形的，很可愛！
繼續閱讀
聖誕節同朋友一定搞好多場gathering架啦! 諗食咩諗到頭都爆? 今次同大家介紹間超級好氣氛既美式西餐!!!! 地方也非常就腳, 就是位於銅鑼灣的 - "紐約客 New York Diner" 佢一共有3間分店, 北角, 荃灣 同埋呢間新開的銅鑼灣店! 裝潢走美式風格, 聖誕節來一定更有氣氛!!! 銅鑼灣店比較適合2-6人gathering! menu好多款式, 飲品都好有特色, 岩晒女生對大時大節的要求~~ hahaha!!! ((是的, 我認我生日同過節一定要食西餐! 只在做冬、中國新年才會吃中菜XD)) 我地4個朋友點完野食, 好快就黎左野飲: 荔枝玫瑰沙冰, 我既!! 好大杯, 好靚既粉紅色!! 未飲已經成功呃LIKE! 個人覺得味道都不錯, 荔枝味較香, 玫瑰味不太出, 沙冰好夠凍, 飲到最尾仲有冰! 上面仲有一隻小蝴蝶~ 芥末柚子梳打, 本身都想點呢個, 但怕芥末味太重, 朋友就試左, 佢大讚呢杯好好飲, 少少芥末味唔嗆喉, 配上柚子又出奇地MATCH! 凍焦糖爆谷咖啡, 未飲已經聞到好香好甜的爆谷味! 女生應該好喜歡! 先來小吃~ 脆炸芝士: 芝士控必食! 好熱好香口, 入便芝味好濃郁! 配上黑松露醬更好食!燒焗豬手件: 已經幫你起好肉, 唔使自己拆件, 好岩懶人! 皮脆肉嫩, 好juicy! 旁邊仲有炸薯角! 個人都覺得呢個好抵叫! 安格斯牛肉串, 非常非常好吃!! 牛肉肉質軟滑, 重牛肉香, 只用上鹽及黑胡椒作調味, 燒烤後已非常好味! 有三款醬汁, 適合不同朋友的喜愛~~ 來到是晚的重頭戲了!!! 就是招牌啤酒雞!!!! 好有霸氣的招牌菜XDXD 比傳統的聖誕烤雞來得更震撼~~~ 雖然將之拆解是要花點功夫, 但也是值得的! 用了啤酒去烹調, 味道更突出, 烤過的雞皮很脆身, 但肉質不怕鞋口! 配上盤中的大量薯仔、蔬菜, 仲有印度薄餅, 這道菜也太過豐富了吧! 迷你漢堡, 4個也是不同口味的! 有豬、牛、帶子...... 另一個忘記了 XD 細細個容易入口~ 最後, 血色瑪莉的代表作!! 是現在好流行的小食杯~~ 上面有不同的小吃串燒~ 下面就是一大樽bloody mary!! 平時覺得bloody mary好難飲, 但呢個又ok wor! 可能佢蕃茄汁比例較多, 無咁多酒精同香辣, 易入口, 女生也不怕!! 呢一杯真係好岩人多時share來食~ 又有得飲!! happy holiday!! 聖誕節前記得一早book定位同伴侶/朋友去慶祝啦!!
繼續閱讀
我以為美國餐就是Fish & Chips。踏入餐廳第一眼，咦，又幾Playful喎，西方壁畫裝潢，加上彩色霓虹燈管砌成的英文字，Bar Restaurant之餘有一種Playful特色。脆炸芝士 Fried Mozzarella：★★★★☆香口！這個香口的味道，在我地還未等到第一道菜時已經快速食完，然後第一Round大家已經問：「邊個食左最後一舊？」黑松露薯條 Truffle Fries：★★★★★要吃出松露菌味，重點是薯條夠厚切！薯條吃的是不外乎是炸香或是薯味口感，在松露醬配搭下，菌類的味道加上薯仔我覺得平衡點是炸香不能掩蓋薯仔味，這裡的重點就是薯條要夠厚身！正！一定會來再試！燒焗豬手件 Roasted Pork Knuckle Cut：★★★☆☆豬手不是我喜好但我一直吃豬手嘛，坦白說，豬手一直都不是我的喜好，但當日我還是一件又一件的夾來吃，所以嘛，要我給太高分，我自己都講不過去，但低分嘛？但我明明不好吃豬手又一件一件不停吃，總不能因為個人口味給人家低分吧？好啦，就取中間數。焦糖爆谷泡沬咖啡：★★★☆☆爆谷味更強烈點更佳飲品方面，這是Ms.Kero選的焦糖爆谷泡沬咖啡，Er，對於喝咖啡但選焦糖爆谷的我，無非是喜愛咖啡的味香奶甜多於苦澀的純正咖啡口感，如果爆谷味可以再強烈點，那就更好了！荔枝玫瑰冰沙：★★★★★難得沙冰凍飲仍能帶出玫瑰花香到我那杯來到，哇！花的味道一向是很難做得好，我以為總是熱茶才容易散發花的香氣，原來冰一樣也可以！當然啦，那種濃度很難和熱茶相比，荔枝和玫瑰味的配搭很常見，但重點是平衡，這杯沙冰由一開始到後來冰開始溶化，花和果的平衡雖然有所改變但依然很好，所以我相信料理方面一定下過功夫，誰說料理不是一門數學？燒原條魷魚串 BBQ Squid Skewer：★★★★★魷魚身韌度質感留住燒烤風味魷魚本身就是韌度很高的食材，料理處理時難在控制烤味和韌度，原條燒是廚師對燒烤面積的一種拿捏，魷魚串有惹味的燒烤風味，而鹹味又不會蓋住魷魚的原有的鮮味，所以我給了五星！血色瑪莉的代表作：★★★★★品嚐料理的是嘴巴有時也是眼睛血色瑪莉講的是四味皆集，辣味、鹹味、酸味還有芹菜、蕃茄的「生」味。有些女孩子包括Ms. Kero是很抗拒那種「生」味的，但對於我來說卻非常受落。除了一送上來令人驚嘆的視覺感之外，飲料包括的四種味道味味皆明，一小口的雞尾酒，玩的是舌頭上一次過分辨四種味的享受。16安士澳洲草飼T骨牛扒：★★★★☆吃T骨要吃到西冷肉味和牛柳嫩滑兩種味我試過吃旺角一間老牌扒房，雖然價錢不算貴，但以為數十年老招牌，總不會差了。怎料那天晚上我一口都吃不下，空著肚子離去。所以吃扒是一件絕對需要小心的事，這個T骨吃得到濃厚的肉味，彈性和有嚼勁之餘又有軟腍的部份，絕對入口之餘不失T骨之名。
繼續閱讀
今日夜晚嚟咗呢間新開喺銅鑼灣嘅紐約客，試一試呢間美國菜好唔好食。餐牌選擇唔算特別多，但已經花多眼亂。海洋梳打$38一開始點你個海洋梳打嗰陣，侍應已經講咗影相呢個會比較靚，但係就味道。飲落去好陣好假嘅色素味，但可以接受。飲品入邊放左兩條鯊魚軟糖，添加趣味。同行朋友叫咗呢個草莓柚子沙冰，味道就唔知，但到我哋食完餐飯個沙冰仍然係唔溶嘅都幾勁！友人說味道正常，不算差。叫咗呢個雙層芝士牛肉漢堡，分量唔算太大，適合兩個女仔食用。反而薯條份量一啲都唔少，新鮮炸起。牛肉塊都算厚，而且幾juicy。芝士焗波士頓龍蝦只有半隻，唔會太un。反觀炒飯內的龍蝦肉好老，完全唔新鮮，只有一碗左右份量。另外，薯角太燶，味道一般。總結，價錢同質量不成正比，沒有下次。
繼續閱讀