影片
更多
2022-07-24
861 瀏覽
經過呢間餐廳真係起碼過千次，但都未食過，身邊好多人試過啊，上網有好多人post全部都話呢度嘅蟹餅好好食，海鮮又唔差，價錢又唔貴，今個星期日，一於試吓。今日喺灣仔搵野食，既然行開個頭，都唔使點樣諗即刻諗到佢。可能下午兩點幾嘅關係， 本身想食好少少，但係見佢有啲幾唔錯嘅brunch ，咁就不如用佢哋試吓水溫。先來個南瓜湯，呢個真係超級驚喜，好似啱啱焗出嚟咁熱，再加上剛剛焗好嘅脆麵包，呢個真心醒神。老婆點了all day breakfast ，呢個真係要推介，香港平時食全日早餐其實都係好求其，但係呢度嘅全日早餐真係有返咁上下講究，或者應該咁講起碼有啲心機準備。個條腸同煙肉同平時識嘅都幾有分別，至少嗰條腸一定係靚品牌，不過我未勁到食得出係邊隻。其他蛋、茄汁豆都幾好，最好係佢有做主題蟹餅，大舊啲應該興奮啲。我自己就食個意粉，Cabonara加蟹肉，又係不得了，出套地蟹肉味香濃，貫穿成個意粉，甚至比卡邦尼嘅主調更加出色，意粉雖是最普通的類別，一定唔係自家手做個隻，但係都幾有誠意，至少我相信大部份人都會覺得好食。尾聲可以加甜品同飲品，一杯熱咖啡再加甜品一定係西餐嘅最好配搭，樣樣都不錯，最好係竟然係灣
今日喺灣仔搵野食，既然行開個頭，都唔使點樣諗即刻諗到佢。
可能下午兩點幾嘅關係， 本身想食好少少，但係見佢有啲幾唔錯嘅brunch ，咁就不如用佢哋試吓水溫。
先來個南瓜湯，呢個真係超級驚喜，好似啱啱焗出嚟咁熱，再加上剛剛焗好嘅脆麵包，呢個真心醒神。
老婆點了all day breakfast ，呢個真係要推介，香港平時食全日早餐其實都係好求其，但係呢度嘅全日早餐真係有返咁上下講究，或者應該咁講起碼有啲心機準備。
個條腸同煙肉同平時識嘅都幾有分別，至少嗰條腸一定係靚品牌，不過我未勁到食得出係邊隻。
其他蛋、茄汁豆都幾好，最好係佢有做主題蟹餅，大舊啲應該興奮啲。
我自己就食個意粉，Cabonara加蟹肉，又係不得了，出套地蟹肉味香濃，貫穿成個意粉，甚至比卡邦尼嘅主調更加出色，意粉雖是最普通的類別，一定唔係自家手做個隻，但係都幾有誠意，至少我相信大部份人都會覺得好食。
尾聲可以加甜品同飲品，一杯熱咖啡再加甜品一定係西餐嘅最好配搭，樣樣都不錯，最好係竟然係灣仔區一啲都唔多人，傾偈聚舊係非常好選擇。
張貼
