鳥海山鐵板燒 (已搬遷) 新店位置

好少黎呢頭,去完蘇屋村又係附近搵野食,見到呢間咁傳統既店面,好有日本既感覺。果然冇令我失望。首先有前菜:沙律同味曾湯。然後就開始食海鮮鐵板燒啦,見到師傅係開放式廚房好忙咁煮呀煮,我都好努力咁食。有高級和牛,肉質一流,然後有一隻大蝦,身體已被CUT成幾片,但仲有好靚,令人唔捨得食,真係彈牙,連個頭都好多膏添呀!比目魚都好一流,燒完同平時食開果D好唔同,質感好正!尾聲仲有炒野菜同炒飯。個炒飯都好豪華下,有櫻花蝦,好惹味,真係海鮮盛宴呀!最後仲有個甜品,係阿華田雪糕。呢度服務好!值得來!