Mini Friday (銀城廣場) (已結業)

今日同朋友去旺角西洋菜街附近搵嘢食，見到銀城廣場樓上有間餐廳唔錯，於是就上去試下。 門面嘅燈同入面嘅裝飾都幾有特色，我哋坐低咗之後叫咗兩個set dinner ,分別叫咗個自由配搭意大利面，同自由配搭意大利薄餅，仲有個迷你小食炸盤， set dinner包咗前菜湯同甜品。 湯我哋點咗個意大利雜菜湯同南瓜湯，之後兩碟沙律前菜都送上，上邊有水果同蔬菜。 過咗十分鐘，自由配搭意大利面亦都送上 ,我哋揀咗忌廉汁，配蘑菇，洋蔥，香蒜同雞同火腿，意大利麵嘅麵質唔錯。 之後自選意大利薄餅，我哋揀咗蕃茄，橄欖，雞肉同洋蔥做配料，個餅底幾薄，味道唔錯。 最後係小食炸盤，有炸蝦，炸春捲，炸洋蔥圈同肉腸，味道唔錯。 仲有兩個朱古力餅做甜品。