熊小館

營業中

休息中

九龍灣megabox 既11樓，閒日晚上人流唔多，被安排坐在一隻大熊仔旁邊。呢間餐廳係以熊仔做主題，所以有好多熊仔佈置，好可愛好warm餐廳座位好闊落好舒服，環境唔錯。仲有一個可以包場的Area 真係岩哂一班fd 帶埋小朋友來傾計食野。下次試下book呢個場先。忌廉湯+蒜蓉包：忌廉湯唔會太稀 夠熱，味道都ok。蒜蓉包都焗得好脆，口感唔錯。意式焗肉醬茄子：茄子上鋪滿芝士和肉醬，好惹味，唔錯的小食。黑松露蟹子帶子黃金意大利飯：佢嘅飯就比較硬身，有咬口，有幾隻帶子同唔少的黑松露蟹子。蘑菇紅酒汁牛柳伴法式田螺：叫咗七成熟，煮得啱啱好，牛扒有肉味，煮得比好多西餐都出色。佢嘅法式田螺撈埋啲薯蓉一齊食，非常惹味。非常推薦呢一味菜啊。法式燉蛋白：見到好似好多人叫 所以就試下。有驚喜wo 燉蛋白好滑 味道唔會太甜，作為呢餐飯完美的句號。