Mee...lemongrass (Megabox) (已結業)

MegaBox實在多野食選擇，行到攰要搵野食，mee...lemongrass 絕對係一個good choice。餐牌上有多款東南亞菜式，有喇沙、海南雞飯、串燒等美食。泰珠奶茶冰味道不俗，珍珠好有咬口，等一陣就有得飲。叫左碗mee喇沙，有非常多配料，有蝦、魷魚、蜆、魚蛋、豆卜等。我最欣賞係個湯，因為個味道好香濃，夾起嘅麵全部會湯痴埋，好好食。而豆卜亦都索哂個湯，好正。馬拉盞通菜亦都好好味，唔會話好咸，非常惹味。份量適中。燒豬扒撈檬粉都好正。塊豬扒即叫即燒，食落非常香口，肉質亦都好嫩滑，表面加左d蜜糖，甜甜地好好食。檬粉個份量亦都非常多，好抵食。甜品方面，我地叫左椰汁西米糕，好清新，唔太甜，好好味。