影片
更多
2023-06-19
122 瀏覽
今日約咗朋友係mega box 行街順片食埋晚餐，經過見到呢間日本野，店員話做緊半價壽司優惠，加上平日lunch time都見好多人等就入去試下因為刺身同壽司都有半價優惠，可以簡多啲款試吓🤣落單都爽手啲！我哋一共簡咗4款刺身同12款壽司，章魚小丸子，仲有個野菜牛肉鍋！1） 野菜牛肉鍋熱辣辣，都幾足料，菜同牛肉份量都有返咁上下，湯底味濃唔會淡茂茂，性價比好高🤣2）刺身我哋叫咗吞拿魚赤身，北寄貝，八爪魚同三文魚腩，全部都幾新鮮唔會有腥味，尤其係北寄貝，完全唔un，另外三文魚腩都好肥美3）壽司12款壽司全部都幾好食幾新鮮，合格之上！其中令我最深刻既係火炙柚子胡椒帆立貝壽司，呢個好推介要叫，帆立貝好新鮮好軟，然後柚子味好清新，帶起個帆立貝味道更鮮，再加埋有胡椒味，味道好有層次口感好好👍🏻 另外炸蝦壽司都好好味，好脆好熱，完全唔厚粉！花之戀壽司都好滿足，三文魚籽好足料！4）章魚小丸子我哋仲叫咗呢個小食，新鮮即整，好熱好脆入面有大大粒章魚！我哋每人叫咗2杯梳打（白桃乳酸同西柚梳打），2杯都好大杯，好夠汽，重點唔會似平時個啲勁甜，味道剛好，啱哂鐘意少甜既我，個人覺得朋友點個杯白桃乳酸梳打好味d, 西
因為刺身同壽司都有半價優惠，可以簡多啲款試吓🤣落單都爽手啲！
我哋一共簡咗4款刺身同12款壽司，章魚小丸子，仲有個野菜牛肉鍋！
1） 野菜牛肉鍋
熱辣辣，都幾足料，菜同牛肉份量都有返咁上下，湯底味濃唔會淡茂茂，性價比好高🤣
2）刺身
我哋叫咗吞拿魚赤身，北寄貝，八爪魚同三文魚腩，全部都幾新鮮唔會有腥味，尤其係北寄貝，完全唔un，另外三文魚腩都好肥美
3）壽司
12款壽司全部都幾好食幾新鮮，合格之上！其中令我最深刻既係火炙柚子胡椒帆立貝壽司，呢個好推介要叫，帆立貝好新鮮好軟，然後柚子味好清新，帶起個帆立貝味道更鮮，再加埋有胡椒味，味道好有層次口感好好👍🏻 另外炸蝦壽司都好好味，好脆好熱，完全唔厚粉！花之戀壽司都好滿足，三文魚籽好足料！
4）章魚小丸子
我哋仲叫咗呢個小食，新鮮即整，好熱好脆入面有大大粒章魚！
我哋每人叫咗2杯梳打（白桃乳酸同西柚梳打），2杯都好大杯，好夠汽，重點唔會似平時個啲勁甜，味道剛好，啱哂鐘意少甜既我，個人覺得朋友點個杯白桃乳酸梳打好味d, 西柚還好🤣
環境及服務
座位好闊廠，2人都可以坐卡位，環境就算坐滿人都唔會覺得嘈，方便傾計
另外店員態度都好好，態度殷勤
味道：4/5
環境：4/5
服務：4/5
性價比：4/5 （埋單咁多野食500幾蚊，但勁多野食😆）
張貼
