日和号壽司料理 (已結業)

同男朋友去左megabox行完街，想食返餐平平地嘅晚餐，見到呢間做緊海膽丼大特價，為食嘅我決定就試一試呢間🤤🤤呢間餐廳坐位都比較舒服我同男朋友分別叫左一個海膽丼、叉燒拉麵同埋鐵板魷魚燒🥰🥰🥰但係店員點餐個陣好大頭蝦，幫我地兩個叫嘅野double mark低，所以大家埋單一定要對一對單🙈迷你海膽丼：迷你丼size的確好細，只係得我手掌咁大；我自己就夠食，不過男仔就一定一定要叫兩個，味道方面，正常海膽味，唔算好腥，平平地又想食海膽可以叫下叉燒拉麵：拉麵唔重揀水味，幾彈牙，叉燒都幾滑😋，性價比唔錯鐵板魷魚燒：樣唔係好吸引，不過好大碟，不過不失