安平燒肉

營業中

休息中

呢間安平燒肉位於荃灣大鴻輝中心，餐廳好大，勁多座位，我哋揀咗個卡位，可以望到街外景色。M5和牛餐呢個M5和牛餐真係好正， M5和牛嘅脂肪分布好平均，燒完後都好軟熟，而且充滿肉香，真係好好食！除咗M5和牛之外，安格斯牛小排都好好味，肉質柔軟鮮嫩，咬落去口感好好，而且都好有牛肉味。除咗食牛，都有好多海鮮食，推介威士忌醬烤鮑魚，鮑魚肉質鮮嫩，加埋威士忌醬，甜甜哋幾好味。佢嘅虎蝦都好大隻，燒完後都保持肉質鮮嫩彈牙。依家仲有櫻花蝦飯，有櫻花蝦、香蔥、海苔等，啲櫻花蝦真係好惹味，夾埋海苔同埋飯食，最佳組合。