ADD+ (已結業)

夏日熱辣辣！行完M+展覽，出返户外好曬，即刻入返ADD+ grab and go又再涼下冷氣先，本身想入餐廳坐低食，但要排大隊。呢度賣嘅嘢食款式都幾多，有港式茶餐廳嘅粉面飯，又有西式嘅三文治麵包甜品，仲有健康嘅沙律同埋水果杯。飲品方面，有台式手搖、冷泡茶、水果沙冰同咖啡等，總有一樣啱你心意。烤南瓜蜜桃雞肉沙律- 四十幾蚊嘅價錢有咁大盒足料沙律，其實都抵食、唔錯！當然雞肉肉質鞋咗少少，不過點上沙律醬一樣美味。烤南瓜入口即化，甜絲絲嘅。仲有黃椒、青椒、紅椒做配菜，增添顏色，推介！Sparkling White Peach Earl Grey- 呢個有汽手工茶幾有驚喜！伯爵茶味幾重，唔會比白桃味蓋過，又唔似飲汽水咁甜，感覺健康又清新！KiKi冷泡焙茶- 焙茶濃厚唔澀口，非常解渴！