The Stadium (已結業)

觀塘嗰度食午飯時間周圍都好多人，但係呢一間餐廳啲嘢又唔錯，環境又寬躺，冇咩人好舒服。由於近期增肥不少，今次去呢度食個雞肉凱撒沙律，聽落好似冇乜特別，但其實唔係到到嘅雞肉都好食咖。佢哋嘅雞肉凱撒沙律，唔係走嫩滑路線，係水煮白烚雞。雖然唔係嫩滑，但係佢哋嘅雞肉好好食好有雞味，而且一啲都唔柴，最啱就係配個凱撒沙律。另外佢仲跟咗個餐湯俾我哋，個餐湯真係好難飲，我估係青豆蓉湯。我朋友仲叫咗杯Gin Tonic, 佢話呢一杯佢落咗好多Gin, 好啱啲真心鍾意飲酒嘅朋友。我自己就叫咗一杯荔枝玫瑰特飲，荔枝味好重，而且太甜，本人就真係唔鍾意飲咁甜嘅嘢。總括而言，唔想食午飯咁多人嘅話，就去呢間餐廳啦。