影片
更多
2020-08-24
483 瀏覽
海港城其實有好多間餐廳都可以望到海景，但講到性價比高嘅餐廳實屬唔多，而Paper moon嘅Lunch set一定係我心水之選。二百零蚊一個望住海食嘅Lunch set，當中有齊麵包、前菜、主食，仲包埋甜品。食物質素亦是高上，非常划算。其中一款麵包夾住黑橄欖，我唔係好接受到呢種味道，但另外兩款都好味。吞拿魚他他伴青蘋果乳酪汁，醬汁只食到少少酸味，尚算開胃。Parma ham伴哈密瓜，值得一讚嘅係哈密瓜切成薄片，更容易入口，亦品嚐到parma ham嘅鹹香，值得一讚！黑松露雜菌意大利飯，每粒飯仍然保持咬口，唔會過硬亦唔會太淋，配合黑松露醬汁非常濃味，中間亦夾雜著好多mushroom，非常啱我口味。呢碟意粉用上新鮮嘅蜆炒辣汁意粉，意粉彈牙，每條都辣辣地，幾惹味。本來對跟餐甜品無咩驚喜，表面睇好似普通朱古力慕絲，但食落非常重朱古力味，好好味，口感有啲似布甸，連唔太鐘意食甜品嘅先生都食晒。
二百零蚊一個望住海食嘅Lunch set，當中有齊麵包、前菜、主食，仲包埋甜品。食物質素亦是高上，非常划算。
其中一款麵包夾住黑橄欖，我唔係好接受到呢種味道，但另外兩款都好味。
吞拿魚他他伴青蘋果乳酪汁，醬汁只食到少少酸味，尚算開胃。
Parma ham伴哈密瓜，值得一讚嘅係哈密瓜切成薄片，更容易入口，亦品嚐到parma ham嘅鹹香，值得一讚！
黑松露雜菌意大利飯，每粒飯仍然保持咬口，唔會過硬亦唔會太淋，配合黑松露醬汁非常濃味，中間亦夾雜著好多mushroom，非常啱我口味。
呢碟意粉用上新鮮嘅蜆炒辣汁意粉，意粉彈牙，每條都辣辣地，幾惹味。
本來對跟餐甜品無咩驚喜，表面睇好似普通朱古力慕絲，但食落非常重朱古力味，好好味，口感有啲似布甸，連唔太鐘意食甜品嘅先生都食晒。
張貼
