尖沙咀凱悅酒店咖啡廳

Hyatt話晒都五星級，收費唔平，但lunch buffet奇差。餐廳唔算大，擺野食地方都細，所以款式都好少。冷盤嘅凍蟹，紅花蟹肉淋同霉嘅，仲好開心以為有蟹食，拎左幾隻返黎，食少少都冇再食。 魚生吞拿魚好似啲膠咁，冇魚味，唔知食緊乜。中式燉湯又好咸。熱盤選擇好少，都唔記得有咩食了。
基本上個buffet食個半鐘都食完走得。冇咩野係好食，冇野值得encore。可能唯一燒味係叫好食啲。
甜品睇落好靚，但啲酥皮淋嘅，好似擺左好耐。楊枝甘露都幾好飲。
成餐buffet都冇咩野食過，因為款式真係好少，野食又唔突出。如果食buffet唔會揀hyatt。十分後悔黎左食。