成都老碼頭火鍋 (已結業)

朋友成日經過呢間野，話係出面已經聞到濃濃嘅麻辣火鍋味，好吸引好想試！今日咁岩涼涼地，就黎呢度打下邊爐，睇下味道點樣啦！入面裝修幾靚，幾有中國風情同特式，而且感覺幾乾淨！入面仲有個新鮮游水section，大家可以去選擇你想食嘅海鮮！我就揀左今日精選赤貝，可以揀打邊爐或者刺身都得，咁新鮮我緊係做刺身啦，果然好鮮甜！湯式叫左滋潤雞湯同麻辣兩味，雞湯可以就咁飲，非常養生～～麻辣叫左小辣，好惹味呢～呢度湯底做得唔錯！另外叫左牛肉，都幾多選擇，仲有個蝦滑唔錯，好彈牙！總結而言，呢間火鍋店幾乾淨企理，而且服務都好唔錯，有機會可以黎試下！