鳳城1954 (愉景新城)

Lucas一向都鍾愛鳳城酒家，皆因佢有傳統嘅廣東菜式之餘，同時又有新派fusion菜！今次佢喺荃灣愉景新城新開呢間1954，梗係唔少得我去捧下場啦！

店內裝修新穎，而且空間感十足，坐得幾舒服～

呢度就算晚市都可以叫點心食，叫咗包羅萬有同埋龍蝦鮮竹卷！我幾鍾意呢個龍蝦湯，深入左腐皮之後海鮮味非常濃郁！

前菜叫咗龍袍四季豆，入面係鹹蛋黃炸四季豆，脆卜卜之餘非常滋味，個個食到舔舔脷！

另外脆皮咕嚕肉有成個菠蘿上，誠意十足，不能賣相同味道都非常出色！

今次試住咁多菜式先啦，下次有機會再同大家分享其他菜式！

龍袍四季豆

脆皮咕嚕肉

龍蝦腐皮卷

大良炸鮮奶