黑木亭居酒屋 (金馬倫道)

同朋友行咗成日尖沙咀，想搵間餐廳食嘢，朋友俾佢門口嘅裝飾同埋蟹🦀吸引住，所以我哋就入去食喇!我就好想食刺身，叫咗個海產細味6杯，入邊有我好鍾意食嘅海膽、吞拿魚蓉同埋生蠔！海膽杯下便係飯同埋玉子，呢個簡直係完美嘅組合！而且個賣相好得意，好似一部識發光嘅鋼琴，影相又靚味道又正😝😝好啦，主角係巨無霸蟹蓋飯，呢一隻係一隻好大隻嘅麵包蟹🦀，相信係由英國直送，下一個入邊有勁多勁多蟹膏，蟹子、炒飯都非常出色，配合埋個蟹膏真係不得了，而且份量好十足，我哋兩個最後都清晒碟，勁飽呀！