一樓咖啡室 (已結業)

星期五晚約左朋友去銅鑼灣買野,行完街先搵食,都9點幾啦,朋友話佢又續左怡東酒店的會員,可以叫主菜有半價,跟住我地就嚟左呢間試,因未嚟過,不過因為食buffet先可坐窗邊,散叫只能坐另一邊,我們坐唔到窗邊位.叫左一個亞拉斯加長腳蟹腳煙三文魚沙律-都好大碗喎,長腳蟹蟹腳都幾多條及新鮮好甜呀.煙三文魚都好味,其它沙律菜配在一起加埋d 汁好入味,原來有好多塊三文魚架,好味.海南雞飯-一碗例湯,一碗油飯,一碗海南雞,一碗醬,有三種味道,辣醬,蒜蓉醬及醬油,雞都好滑呀,加埋d醬一齊食好味,個醬油最夾味,辣醬真係好辣,蒜蓉如果重味d就更好.另外再每人叫左一杯飲品,朋友叫左咖啡酒,我叫左雪糕咖啡,我的雪糕是雲妮拿,可以選士多啤梨或朱古力味的,嚟到見杯咖啡個色好似好深都驚會好苦,個因為個雲妮拿雪糕都好大個,溶左落d雪糕度就好飲呀.半價左價錢就都好抵食呀!