104
55
36
餐廳: 一樓咖啡室
優惠: 「亞洲萬里通」開飯賺里數
逢星期一每消費HKD1可賺取1里數!平日用餐,每HKD2亦可賺取1里數。(連結「亞洲萬里通」賬戶至 OpenRice App,結賬時出示QR code並告知職員賺取里數) 優惠受有關條款約束
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
須受其他「亞洲萬里通」條款及細則約束
港鐵銅鑼灣站 D1 / E 出口 繼續閱讀
電話號碼
28376781
開飯介紹
一樓咖啡室全日提供自助美點及三層架英式下午茶,室內環境設計簡約。 繼續閱讀
特色
同客食飯
營業時間
今日營業
06:30-00:00
星期一至日
06:30-00:00
付款方式
Visa Master AE 現金 銀聯 JCB
座位數目
346
其他資料
酒精飲品
泊車
電話訂座
加一服務費
海景景觀
優惠
餐廳: 一樓咖啡室
優惠: 「亞洲萬里通」開飯賺里數
逢星期一每消費HKD1可賺取1里數!平日用餐,每HKD2亦可賺取1里數。(連結「亞洲萬里通」賬戶至 OpenRice App,結賬時出示QR code並告知職員賺取里數) 優惠受有關條款約束
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
須受其他「亞洲萬里通」條款及細則約束
食評 (207)
等級4 2017-12-08
2431 瀏覽
由於我們之前嚟都係食自助晚餐,所以今次我們就特意揀咗喺午餐時段嚟食!一去到我們當然又係做指定動作影相先啦,一邊影一邊睇,雖然午餐係無阿拉斯加長腳、開邊凍龍蝦等等等等⋯⋯但款式種類都幾多,除咗必定會有嘅刺身壽司、燒牛肉、凍蝦、沙律、粉麵、熱葷熟食之外,仲有冷盤嘅上海豬肉凍批即肴肉同鴨春卷,肴肉嘅質感好爽滑彈牙,味道相當鮮味,而且完全無油膩嘅感覺!鴨春卷嘅卷餅質感好煙煙韌韌,入面嘅餡料除咗有主角嘅鴨肉,仲有紅、白蘿蔔絲同香蔥條,夾埋一齊食感覺好清新,而且口感相當豐富!紫薯同粟子係擺放咗喺啲燒熱咗嘅熱石上面一直熱著嚟保溫,真係好貼心呀!另外!今次最值得讚賞嘅係負責切刺身同切負責切燒牛肉嘅兩位師傅,因刺身原本係限每人祇可以攞一份,但今日師傅會主動畀兩份我們,而且仲問我們夠唔夠,唔夠嘅話仲可以要多一份?今日嘅三文魚係眾多款刺身之中最正㗎,因質感好嫩滑,而且有好濃郁嘅魚油香味!至於燒牛肉方面,我們一向都係最鍾意食嘅,師傅亦非常好咁滿足我們呢個要求,真係切得好厚身,所以食落嘅口感更加正,而且肉質非常鬆軟,就算咁厚身都完全有韌或「硬實實」嘅感覺,真係超正呀!而且兩位師傅嘅態度仲相當親切有禮!另外!由於而家就嚟係聖誕節,所以餐廳內都佈置咗聖誕裝飾,同埋喺啲甜品上面都有加添咗關於聖誕嘅朱古力圖案,感覺相當精緻! 繼續閱讀
(以上食評乃用戶個人意見 , 並不代表OpenRice之觀點。)
Halloween Lunch Buffet 焦點食評
等級4 2017-10-31
4042 瀏覽
久違了嘅婦女兵團聚會,約了又約,終於齊人,所以當然要食番餐好,而今次就揀了香港怡東酒店嘅「一樓咖啡室」。還未夠中午 12 點已經抵達,服務員很貼心,說可以先入座,毋須站在門外等候,而這天我們就被安排坐在窗口位置,可以飽覽整個維港景色,真係令人心曠神怡!立即外出去 Buffet Line 看看,先由我最愛的海鮮區出發,有小龍蝦、熟蝦、青口、翡翠螺等。而海鮮對面就擺咗四款芝士,有 Cheddar,Brie,Cambozola,Emmental,用來配餅乾吃最夾。芝士區旁邊係 Salad Bar,可以自己 DIY,自製沙律作為前菜,打開胃口。Deli Bar 有煙三文魚、Cold Cut 同火腿,煙三文魚每一片都非常厚身,食落鹹香油潤,肉質柔軟,用來拌清新的沙律菜吃就最啱 Key。熱吃方面,選擇亦挺多,有燴牛肉、泰式炒青口、西蘭花扒蝦仁、中式牛柳、咖喱雜菜、牛咖喱、印度飯、印度薄餅、台式滷肉肉燥飯、乾燒伊麵、清蒸大海班、蒜蓉茄子、中式燒味和燒牛肉等。最盡頭係 Noodle Station,可以淥麵、米粉、炸魚片、牛肉丸等,甚至淨係灼菜食都得。唔記得提刺身同壽司添,刺身選擇不多,只有吞拿、三文魚、玉子等,壽司卷物反而較豐富,不過我就始終鍾情三文魚腩,既新鮮又肥美,食落特別有口感,非常好味,想唔俾 Like 都唔得。由於這天係萬聖節,所以餐廳入面有好多南瓜裝飾,甚至連當天 Dessert Corner 嘅甜品,都用上 Halloween 做主題。呢度嘅甜品,真係好靚,賣相繽紛,而且花款勁多,琳瑯滿目,有芝士餅、芒果慕絲餅、士多啤梨慕絲蛋糕、雜莓香草泡芙、玫瑰草莓朱古力杯仔蛋糕、玫瑰香檳啫喱伴橙味香草忌廉等等,多到數都數唔曬。另外亦有葡撻、冬甩、貝殼蛋糕、自製班戟、新鮮即製的窩夫、棉花糖、Häagen-Dazs 雪糕等,當然還有飯後水果。要特別推介呢度嘅 Waffle,口感鬆脆,蛋香味好濃郁,就算唔配雪糕齋食都超正。已經開始頭痛緊下次婦女兵團聚會食乜好。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-27
4851 瀏覽
媽媽經常說要去食自助餐,好啦,就趁著Cafe on the 1st推廣著台灣美食而到來。印象所記,好似從沒有來過,對這兒充滿好奇,碰巧自小就很愛吃台灣菜,說來慚愧,還記得多年前他們與台灣名店合作,未有機會來品嚐,所以更加需要來一試。 台灣美食固然吸引,可是大家一定對冰鎮海鮮更感興趣,款式不算太多,但絕對貴精不貴多,六款海鮮加即開生蠔,特別是即開生蠔,肥美又鮮味,很久沒有在自助餐裡遇見咁大隻的生蠔。 雖然即開生蠔的魅力非凡,但台式冷盤的吸引力更為吸引。其中的蛋黃中卷已深深打動了我,吃了一舊又一舊,膽固醇已不會是考慮之列了。其餘還有冷筍沙律、冰鎮萵筍及涼拌茄子,都是不錯的。 另一邊則是供應著沙律及凍肉的位置,吃點蔬菜絕對有助消化,亦可增加食量,所以每次吃自助餐時,也會拿一大碟來吃,放點煙三文魚作配料,不錯的。說到自助餐又豈能沒有刺身壽司,款式雖不多,但都很新鮮,而其中的創作壽司做得很有心思,很有趣的。 既然是台灣美食的推廣,絕對不只冷盤的,等候著我們的一系列的特式台灣美食。首先是手工製作,作法繁複的髮菜魚卷及酥炸芋卷,以新鮮起出的魚肉捲著蝦膠及馬蹄打成的餡料,鮮味十足;芋頭卷更是非常有趣,又咸又甜,有蓉有粒,必試推介。 另外,也有不少大家耳熟能詳的台式美食,如蚵仔酥、煎燒豬肝、台式五香咸肉及台式三杯雞等等,菜式不是什麼貴價菜,但卻稱得上原汁原味,保留了那份簡單直接的滋味。 吃至中途,突然醒起了有個台式肉羹,回想一下,只曾在台灣吃過一次,在港甚少見到有供應,掏來一碗,用料豐富,很鮮甜的,加點芫荽及醋,鮮味不絕,好好味。 最令我有深刻印象的必定是蒸米糕,入口煙韌而軟糯,十足十我們的蒸糯米飯般,可是由於加入了滷肉、蝦米及香菇,令味道更為濃郁好味,就算再飽,也吃了整個,到現在還回味中。 可能由於大部份熱葷都改了為台式美食,剩下只有烤肉及即煮粉麵了。肉枱上分別有烤雞及焗三文魚,每次半隻烤雞,相當豪氣;而旁邊則有即烤澳洲和牛及安格斯牛肉,烤得都不錯,肉味很香濃。 不過,要數必吃的熱葷絕對是招牌的咖哩,怡東酒店的咖哩簡直是譽滿銅鑼灣,不少客人慕名去品嚐,特別是咖哩雜菜,既香噴噴,又美味,配合長氣型的印度米,回味無窮。同時,台式美食中也有台式滷肉燥飯供應,實行打孖上。 大家也要留點肚子,餅廚待別使用了日本新興潮流的稀少糖來做甜品,十分健康,既能減少糖的使用量,也帶來了減少吸收脂肪的功效。 雖然我應該食多點這類甜品,但面對新鮮即製的窩夫及班戟,實在沒有不吃的理由,加杯雪糕及生果,絕對是美味的泉源。 繼續閱讀
(以上食評乃用戶個人意見 , 並不代表OpenRice之觀點。)
過江台菜自助餐 焦點食評
等級6 2017-08-22
3766 瀏覽
從事餐飲業要不停更換新元素,因為被寵壞了的食客喜歡常常轉口味,就是本來食品種類已經琳瑯滿目的自助餐亦不例外,不時推出以龍蝦、蟹、和牛、朱古力等等主題招客,以款多及材料新鮮作口號,奈何今時今日,已經並非甚麼新鮮事! 但生意人總有計,難得少遇上、今天到怡東酒店一樓咖啡廳吃自助午餐,主題是台菜,本以為只是綽頭,想不到酒店竟然從台北請來團隊,來自新北市的兄弟食堂是台菜的專家。 台灣菜,有著媽媽的味道,是台灣人味覺的原鄉,食在新鮮,食在原創,油、酒、蒽、糖、蒜等材料的採用非常嚴選,過江團隊因此自行攜帶調味材料,刻意烹調香港別處找不到的味道! 本來自助餐的熟食,因為被模式及性質限制,難以做出精緻菜式來,真想知道廚師可以如何發揮! 怡東酒店內,飽覽維多利亞港景的一樓咖啡廳,絕對是炎炎夏日中午好去處,空調下欣賞海景,份外懶洋洋! 面積不算很大,反有不會有人山人海的擠迫感,舒適悠閒。 麻雀雖小,五臟俱全,百吃不厭的刺身壽司、冷凍海鮮、燒牛肉、沙律及堂煮粉麵及款式多多的甜點自然不乏。 但尋寶方才是我來的目的,那些菜式是古早台菜呢? 要預先做好而又不會影響食味,過江大廚想得到,細處見心思,焦點盡在熟食區內。 事不宜遲,十二點正,繞場一周,四處尋寶,先令我停下來的,是位於一角的即煮粉麵檔,喜見名物刈包,此包自然不同彼包,一鍋觸目的炆煮五花腩肉展現在旁,魔鬼誘惑,沒有不齊齊先來一個包的籍口。據說五花腩正是用上古早袐方烹調,油是用台灣專有白毛豬肉炸出來,純米釀製的米酒,健康的黑糖,台灣的小蒽頭等,基本上材料皆由台灣空運至港。 包子大而白雪,荷包半開、滿滿的様子,看來非常鬆軟。打開看看,刈包還配上大量香菜,清晰可見五層肉。 一口咬之,香軟濃郁,豐腴滋味,帶少許香菜的爽及辛香層次,刈包夠厚,包及餡料正是黃金比例,口感豐富但不覺膩,果然是吃過中最好的刈包,別於一般街頭小店之貨式。 也許來自差不多的調味材料,少許變化同時做出滷肉,與白飯是絕配。 一小碗滷肉飯,正好特顯地道風味,適度黏稠的醬汁,配合切成幼粒的半肥瘦豬肉,如肉醬與肉餅之間的質感,非常正宗的味道,滋味無比,簡單滿足,幸福的感覺。 如果淺嚐未能滿意,大大件的選擇,一様可以無限添加。 另一焦點仍在粉麵檔,留意到有一白色湯頭的鍋子,廚師煮好湯粉之後會淋上少量,好奇心驅使下發問,原來此乃是豬油,新鮮炸出的豬油,配合炸香了的紅蔥頭,正是別於一般湯粉麵之袐密,把少許加進粉麵湯頭,風味完全不一樣。 食伴點了一碗粉,我嫌份量過多,要求取少量,自行伴飯吃。 好一碗豬油撈飯,肉香蔥香撲鼻,嗅覺先來享受,色香味俱全,原始簡單方才是極品,今天大開眼界,終於明白豬油撈飯原來真是好好食,以前尚誤會是窮人的食物。 除此之外,還有三杯雞、台式五香鹹肉、豆酥魚、台式煎豬排骨,煎煮炸醃,盡顯糖醋油鹽組合之奇妙功效。 台菜以外,尚有幾款值得一提。 前菜有冰鎮萵筍絲,愛吃四川菜的朋友不會陌生,涼吃萵筍絲方才最爽脆清鮮,今回難得任吃,好不滿足! 稀少糖近年暮起,可能還有不少朋友未認識,此糖的熱量比砂糖少兩成,同時奇妙地可以減慢葡萄糖分的吸收,有四款甜點是稀少糖做的,愛吃不願肥的建議在此尋。 額外飲品方面,有啤酒冰沙,想像得到定必冰涼解暑,可惜不合中午時嚐,免得睡意大增。 我選了健康飲品名叫ABC, Apple,Carrot ,Beetroot 的組合,香甜可口,健康之選。豐富有特色,不知不覺已經兩個半小時,不願也要走,下午茶時間三點開始。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-12-17
536 瀏覽
有朋自美國回香港探親,本來想睇下食英式下午茶定tea buffet。想大家乜都有得食,所最後揀左Excelsior「一樓」tea buffet。餐廳有部分客人係order英式下午茶,見唔太特別,所以我地揀buffet應該無錯餐廳內有聖誕裝飾好有氣氛雖然唔係貴嘅食物,但種類都算多,主要係沙律、壽司、熱葷、車仔麵、中式點心同埋甜品。沙律同三文治都幾好味熱葷嘅XO醬腸粉同煙肉火雞卷都好好味有個焗腸仔酥個酥皮好鬆化,熱辣辣好好味甜品唔算太多款式,但有款細細個菠蘿油都幾得柚子芝士蛋糕都要俾like,淡淡清新柚子味,芝士又不會過份膩,唔錯點心區雖然只有幾款,但珍珠雞整得幾好味,妹妹話雞包仔都幾好味車仔麵檔我枱後面嘅area無人,聖誕裝飾幾靚總括食物都ok,當然就唔係話太出色,每人消費$200,1行4人食下傾下就消磨左1個愉快嘅下午 繼續閱讀
(以上食評乃用戶個人意見 , 並不代表OpenRice之觀點。)