影片
更多
2024-07-24
294 瀏覽
上次去完大埔店體驗好好，今次就嚟中環店試試佢地lunch menu，叫左4-course Set Lunch ($338)。週末下午嘅蘭桂坊都好寧靜，正好可以靜靜享受下Appetizer焦糖法國鵝肝撻個樣有啲似葡撻，但味道當然唔同。一咬就有鵝肝嘅鹹香，味道好濃郁，繼續咀嚼會有焦甜嘅味道浮出嚟，加埋佢酥脆嘅餅皮，味道同質感都好有層次塔斯曼尼亞海膽多士海膽鮮甜，質感綿密，墊底嘅多士就係另一個相反，口感鬆脆，係唔錯嘅開胃菜選擇Soup是日餐湯 - 南瓜海鮮湯南瓜海鮮湯好清新鮮甜，亦都係我喜歡，偏濃稠嘅質地，調味亦剛剛好，突顯到本身嘅鮮甜法式澳洲活龍蝦湯(+48)龍蝦湯相對南瓜湯就味道濃烈得多，雖然大家都係海鮮熬製，但味道就截然不同。裏面仲有啲小龍蝦，增添左湯嘅口感Main忌廉野菌手打闊條麵醬汁好濃郁，亦都掛晒上闊條麵度，食落口係啖啖忌廉野菌香，麵體都好彈牙，係唔錯嘅pasta選擇澳洲Black Opal m9和牛小排(+$68)呢道main係我成餐飯最鍾意嘅！肉質真係好軟嫩，咬落去係好軟熟，帶住啲脂肪，但一啲都唔油膩Dessert是日精選甜品 - 檸檬撻檸檬撻同我預期嘅質感唔同，我本來以為會
Appetizer
焦糖法國鵝肝撻
個樣有啲似葡撻，但味道當然唔同。一咬就有鵝肝嘅鹹香，味道好濃郁，繼續咀嚼會有焦甜嘅味道浮出嚟，加埋佢酥脆嘅餅皮，味道同質感都好有層次塔斯曼尼亞海膽多士
海膽鮮甜，質感綿密，墊底嘅多士就係另一個相反，口感鬆脆，係唔錯嘅開胃菜選擇Soup
是日餐湯 - 南瓜海鮮湯
南瓜海鮮湯好清新鮮甜，亦都係我喜歡，偏濃稠嘅質地，調味亦剛剛好，突顯到本身嘅鮮甜法式澳洲活龍蝦湯(+48)
龍蝦湯相對南瓜湯就味道濃烈得多，雖然大家都係海鮮熬製，但味道就截然不同。裏面仲有啲小龍蝦，增添左湯嘅口感Main
忌廉野菌手打闊條麵
醬汁好濃郁，亦都掛晒上闊條麵度，食落口係啖啖忌廉野菌香，麵體都好彈牙，係唔錯嘅pasta選擇澳洲Black Opal m9和牛小排(+$68)
呢道main係我成餐飯最鍾意嘅！肉質真係好軟嫩，咬落去係好軟熟，帶住啲脂肪，但一啲都唔油膩Dessert
是日精選甜品 - 檸檬撻
檸檬撻同我預期嘅質感唔同，我本來以為會係硬身芝士餅嘅質地，但原來係流心咁，好順滑，味道偏酸，喺最後清一清口腔原隻海膽雪糕(+$48)
唔諗過個容器會好似隻海膽咁，唔怪之得係原隻海膽！味道好可愛，雪糕應該係豆腐雪糕，唔太甜，但同海膽互相配合，令到兩種味道都好突出
L’amour ($78)男朋友上次喺大埔店飲過佢地同名啤酒之後念念不忘，今次都係叫返同一款
Thousand ($100)
我今次就叫左mocktail，主要係菠蘿、青檸，蜜糖嘅配搭，酸酸甜甜好順口
兩間分店嘅水準都頗高，而且環境都好好，係有齊晒色香味嘅餐廳，係想好好地獎勵自己嘅好選擇。好好奇如果夜晚嚟，周圍熱鬧嘅氣氛會唔會令體驗都唔同，下次可以再嚟一試= L’amour // 中環蘭桂坊德己立街58-62號協興大廈地下A&B號舖 // 44143313 =
張貼
