Supine (已結業)

本來想食舉藍旗出左名果一間餐廳，但係去到原來下午休息就去左另一間儲低左既心水店，其實真係好日都唔黎一次石門，既然黎開緊係要大大力咁支持下。店舖細細真係好屋苑既小店，睇落好多都似係附近住既朋友仔。其實食良心店唔止係支持咁簡單，仲有一份香港無左好耐既人情味，除左侍應姨姨好有禮貌好貼，大家仲會傾計。咁岩無哂位要搭台，知道隔離枱既兩母女仲專登由灣仔黎支持，連咁遠都入到黎，你地仲有咩藉囗話唔支持。呢度既漢堡又大份好多人讚，不過接近晚飯時間只好叫個細既《迷你漢堡配田園沙律薯條》($55)淺嚐，有兩款包括左雞扒同牛柳，如果唔食牛仲可以揀豬添，漢堡包好鬆軟仲有黑白芝麻加香味，中間有新鮮蕃茄同洋蔥，仲有大大塊芝士，雞扒好嫩滑牛柳就有少少韌，薯角大大舊仲每一舊外皮都炸都脆。見到用十勝紅豆即時叫番杯《椰汁紅豆冰》(+$10)，用日本野之餘仲要好足料勁多紅豆，紅豆煮得好淋身又超香甜，椰汁好飲又唔會勁甜。店名：Supine地址：沙田石門安群街3號京瑞廣場1期2樓210號餐牌