影片
更多
2023-08-27
771 瀏覽
澳牛相信係大部份香港人都唔會陌生，出名鬧客催落單同上菜快而見稱，而佢的炒滑蛋同燉蛋燉奶都有番咁上下質素。但大家或者未必知澳州牛奶公司名字由來，原來老闆曾經係澳州做過農場工人，所以係70年代開冰室時就改名澳門牛奶公司。今日經過佐敦，居然唔洗排隊，咁岩又等緊朋友，咁就入去叫左碗蛋白燉鮮奶，叫完唔夠10秒已經光速送到枱上。呢度的燉奶唔係雙皮奶，不過佢奶味都幾香濃，而質感都幾嫩滑，但又唔稀變得水汪汪，所以證明鮮奶同蛋白的比例，加上蒸煮的時間都調較得岩岩好先做到呢個效果，咁多年同每日咁多客都Keep到呢個水準，其實都唔易。最後唯一對澳牛有些少失望的係埋單時，個伙記俾左單我時居然好有禮貌同我講「多謝幫襯」。呢四個字完全係衝擊左我一直對澳牛的認知，難得伙記有禮貌反而會有種唔慣的感覺，更加不禁懷念以前戰戰競競嗌餐，驚俾伙記鬧的回憶，或者人就係咁犯賤吧!
今日經過佐敦，居然唔洗排隊，咁岩又等緊朋友，咁就入去叫左碗蛋白燉鮮奶，叫完唔夠10秒已經光速送到枱上。呢度的燉奶唔係雙皮奶，不過佢奶味都幾香濃，而質感都幾嫩滑，但又唔稀變得水汪汪，所以證明鮮奶同蛋白的比例，加上蒸煮的時間都調較得岩岩好先做到呢個效果，咁多年同每日咁多客都Keep到呢個水準，其實都唔易。
最後唯一對澳牛有些少失望的係埋單時，個伙記俾左單我時居然好有禮貌同我講「多謝幫襯」。呢四個字完全係衝擊左我一直對澳牛的認知，難得伙記有禮貌反而會有種唔慣的感覺，更加不禁懷念以前戰戰競競嗌餐，驚俾伙記鬧的回憶，或者人就係咁犯賤吧!
張貼
