螢火

因為位置方便嘢食質素又有保證，呢間日本料理餐廳我已經食過好多次，每次帶朋友嚟食完佢哋都讚不絕口🧚🏼‍♀️適逢今日有一個比較長嘅Lunch break，忍唔住又上嚟開餐啦💗今日食📍雜錦魚生飯定食套餐，等緊魚生飯嘅時候，店員會送上套餐包括嘅前菜蒸蛋🥣我好欣賞依碗蒸蛋，滑到一放入口就直落喉嚨👄另外仲有一碟鴨胸肉沙律🥗兩大塊鴨胸咸咸香香，伴沙律食最適合不過👍🏼雜錦魚生飯🍚 用咗精選嘅日本米製成醋飯，每粒米都圓潤飽滿，昇華咗成碗魚生飯嘅味道🥢魚生鋪滿成碗飯，海膽、呑拿魚、帶子、蟹籽、八爪魚應有盡有，足料嘅魚生足夠我撈哂成碗飯食👏🏼