百味堂 (已結業)

起尖沙咀食過晚飯，朋友帶我來K-11百味堂食甜品，呢間原來係食韓國雪糕，雪糕形狀圓圓的幾得意。我地點了一個士多啤梨牛奶雪糕和朱古力牛奶雪糕。我想問清楚店員個朱古力係雪糕還是醬，比她串番我話他們只有牛奶雪糕，好似唔多想理我，(但果時無其他客等緊)。我朋友等攞雪糕我就去搵個位坐，店鋪座位不多，不過坐得尚算舒服。士多啤梨味幾清新，和雪糕好夾，士多啤梨微酸幾開胃。牛奶雪糕唔會好甜，口感好滑，果然幾特別。朱古力味呢杯個賣相就差左d啦，但味道的確不錯，朱古力醬非常濃郁，食到最底的朱古力更加rich，但呢款會比較甜，同人share會比較好。